泰好餸 (已結業)

重開晚市堂食之後，四周出沒去搵好嘢食，今次經過一間新開嘅餐廳，門面見到好似兩餸飯咁，但原來係食泰國嘢，見有幾得意，所以坐低咗晚飯，原來呢間餐廳之前係喺旺角，跟住因為疫情關係，閂咗門，老闆娘都返咗泰國，跟住喺熟客嘅要求下，先再重開，第一次食，我叫咗我最鍾意嘅香葉肉碎飯，出名嘅燒豬頸肉，同埋馬拉盞炒通菜，唔使我多講，見相都知好好食，佢係我食過最好食嘅泰國菜，難得嘅係嘢飲同甜品都好出色，而且價錢大眾化，必定再去幫襯！(順帶一提，佢嘅醬汁全部自己整，所以再熱返食，一樣咁好味，而且老闆娘Bonnie，好好人！係咁良心小店😊👍🏻）