泰好餸 (已結業)

友人愛吃泰國菜，所以我們有時會找一些泰國菜品嚐。今次見到這間有泰式三餸飯，覺得幾特別，便到這裡睇睇。來到發現可以有堂食的，於是便入內晚餐。來到才發現，原來這間店前一手我們食過的，味道不錯，之後去了其他地方開店才換了這間新店 嘩！三餸飯好吸引 有D都差不多賣晒！我們決定入內晚餐......店舖雖小，但佈置很有泰國的特色。座位較少，但座得都很舒適。食物除了三餸飯外，原來仲有好多選擇！仲有套餐 我們決定散叫，點了「青芒果沙律」、「生菜肉碎包」及「乾炒鮮蝦河」。青芒果沙律，材料頗多，但汁比較酸，可以開胃 ^_<友人最愛吃既生菜肉碎包，我之前學煮這道菜，睇過D影片，介紹有包泰國醬汁可以令味道提昇，我在這裡食到那泰國的口味 乾炒鮮蝦河，炒得香口，味美！見到店內張貼的飲品吸引，於是我們點了「泰式奶茶」及「泰式椰汁冰」。味道不太甜，好味！這裡不但有泰式三餸飯，而且有很多不同的泰國菜，我見鄰座只點了椰汁雞湯配飯，下次有機會再來食 ^_^

同朋友喺旺角行完街，因為食嚟食去都係旺角，所以今次想行遠少少去下大角咀。行行吓見到呢間泰式餐廳，門口寫住有三餸飯，價錢幾抵，都係$50，款式算幾多。我哋點咗龍脷柳、西蘭花同埋辣肉碎。當係一餐已經夠晒，見到有啲人外賣，但我哋選擇左堂食。個豬肉碎幾入味，辣辣地都幾開胃，配埋白飯啱晒。龍利柳比出邊食既嘅軟身。店員就話係因為天氣比較凍，所以開大咗過火，所以質地就相對軟身。除咗三餸飯，我哋仲點咗泰式金邊粉。個份量都幾多，佢唔係用碟上嘅，而係用一個好大盤裝，撈起黎都幾方便。金邊粉係出色嘅，口感層次豐富，面質適中，對於金邊粉迷來講係值得一試。另外仲叫咗啲串燒，豬牛雞各兩串，$88，肉質林，多汁，建議沙嗲醬一定要點。餐廳面積唔係好大，簡單嘅間隔但係裝修都有少少泰式嘅風情。如果平日想食輕鬆簡單嘅晚餐整體係幾唔錯。

平日都有去這家泰國飯店外卖很有特色的泰式三餸飯，隔著玻璃都覺得好誘人，而且種類繁多，有紅咖喱豬，香葉肉碎，泰式豬手等等，好吃又便宜。.這次選擇堂食，發現菜單好多可以選擇，光是炒飯就有七八種，炒河粉也是，我們選擇了一份蝦醬炒飯，一份泰式肉碎配米飯。兩份主食分量都好大！根本吃不完。.另外的豬頸肉和以往吃的略有不同，有點像港式燒腩肉，又一層脆脆的皮，沾著配的酸辣的醬汁超開胃。.還有一個泰式飯店必點的炒通菜，剛剛上桌酒香飄四溢。配白飯一級棒。.我們飲料選了龍眼冰，有點甜，下次可以選擇少糖，應該更好！.最後買單不到250，超級抵食

最近中午喜歡食外賣兩餸飯。今天試試泰好餸這間泰國餐廳。我叫了兩餸飯。兩餸分別是 青咖哩雞和和泰式辣肉碎。青咖喱雞有瓜同雞柳。對於我依d平時依開小辣既都算幾辣下。味道唔錯。泰式辣肉碎都係辣。味道都唔錯。價錢對兩餸飯黎講貴左小小 但泰式兩餸飯就好小見。下次再試試其他餸。

屋企人幫襯過佢外賣都讚佢出色好味，今日直程去間餐廳堂食下😝唔好睇佢外貌似淨係賣兩三餸飯，實際佢餐廳唔大，但都坐到5-6枱同埋有用心裝飾🌿🔼 見佢餸飯好多花款🤤 就叫左個三餸飯$50泰式辣肉碎、香味魚柳、咖哩薯仔雞$50 有咁多款泰國餸，每樣都可以試到真係好正，叫外賣真係一流🤤肉碎大家都好鍾意🔼 泰式金邊粉 $88 本人好鍾意呢道菜，次次去泰國餐廳都幾乎會嗌佢。今次呢間都好出色，落料足，有埋叉燒、仲要啲蝦都好彈牙大粒，成碟靚靚仔仔，一上枱都令人興奮🥰🔼 冬陰公湯 $88 （細）家人好鍾意冬陰公湯，個湯最驚喜有兩隻蝦🦐比想像中大，仲好新鮮爽口彈牙、肉又厚😋 唔會好辣，大家都啱飲2-3個人分細size都夠💭 總結：CP值高，可以做飯堂，無論堂食外賣都出色。選擇多，仲有好多野想試，個樣都好吸引🤤🤤🤤👍🏻

泰好餸🔥呢間除左堂食做埋泰式雙餸飯🔥今日選擇左堂食（有加一）叫左一碟炒雞河（$68）加一碟泰式豬肉炒飯（$56）兩碟上到枱都「嘩」左聲 估唔到咁大碟～兩個人叫一碟飯/粉都夠了 可以再叫小食share! 炒河夠鑊氣，炒得好香，都有唔少雞肉👍🏻泰式豬肉炒飯都唔錯，唔會太咸，唔辣，夠香夠鑊氣～但泰式風味黎講就還好！唔系話好唔同～但兩樣都系即叫即炒！！！泰式燒豬腩肉（$5x)即燒 半肥瘦 有少少偏乾 但還好☺️越食越香口 停唔到haha🔥👍🏻👍🏻👍🏻叫左杯椰汁冰+三色冰 （套餐+$8）下次經過想食泰國嘢既會再試☺️☺️☺️佢既雙餸飯好多泰式選擇！

去食泰國菜，閑閑哋都幾百蚊落樓，獨自一個人吃飯，但係想食好啲，都唔係冇選擇！大角咀呢一間泰國菜推出三餸飯，選擇多多， $50就可以食到三個餸，味道都認真唔錯！當然，餐廳仲有供應堂食，可以約埋三五知己嘆正宗泰國菜，夜晚都幾多人幫襯泰式三餸飯$50性價比之鬼！選擇好多令人眼花撩亂，有紅咖喱、咕嚕肉、青咖喱等等！應有盡有，有選擇困難症既我選擇了黃咖喱、茄子、炒豆角！味道相當地道！黃咖哩不辣，貌似加上了椰奶，幾creamy，也加上了雞肉；炒豆角微辣，好惹味同醒胃。泰式蝦醬炒飯$88份量好足！配合了雞蛋、臘腸、蝦醬，夠鹹香！入口油而不膩～食多幾啖都唔怕濟！生菜包豬肉$88份量超多，三個人食都夠！豬肉加上辣椒調味，每一啖都甜辣醒胃， 軟滑肉碎，配合脆口的西生菜，夠辣夠惹味，絕配！

🇭🇰呢幾年嘅兩三餸飯特別受歡迎‼️不過間間都係以港式口味為主～～原來大角咀有間泰式口味嘅兩三餸飯而且仲係由正宗泰國人主理❤️岩哂鍾意食泰菜嘅我三餸飯 $50香葉辣肉碎+黃咖喱雞柳+西蘭花蝦仁辣肉碎勁好味肉碎炒得好香，加左好多香料，用料好足‼️檸檬葉、金不煥、乾蔥、香茅、辣椒呢啲都係不可或缺黃咖喱味道唔辣，不過咖喱味幾哂濃食落有少少甜甜哋，原來加入左椰糖‼️「泰式炒金邊粉」食炒金邊粉主要係鍾意其集甜酸鹹於一身其酸甜味源自於羅望子嘅獨特味道❤️加埋辣粉，就有埋辣味🌶味道非常豐富「泰式燒豬腩肉」豬腩肉燒得比較乾～～無哂肉汁‼️青檸茶 + 椰青青檸茶好有泰國味道同平時嘅檸茶好唔同～～椰青好多肉，果肉非常軟滑

平時去食泰國餐廳就一定係食泰國菜，但係今次嚟呢間超特別，比門口嘅三餸飯吸引咗入去咁當然除咗泰式三餸飯之外，仲有其他普通嘅泰國菜，可以入去舒舒服服坐低食餐牌設計好特別見到有好多唔同嘅小食都想試下佢餸菜嘅選擇都好多，我仲咁啱見到店員見到啲擺得耐左嘅餸會玩換一碟新嘅出嚟，保持到新鮮度起碼有成十幾款選擇因為我哋心思思又想食三餸飯又想食其他小食，所以就兩個人嗌咗一個三餸飯share叫咗三色雞扒、香辣肉碎、西蘭花炒蝦仁雞扒好出色，佢個炸粉好薄，咬落去雞肉仲係好嫩滑，拌咗少少香辣醬汁上去，再加埋三色椒，有少少酸甜嘅感覺份量好足夠，香辣肉碎撈飯係一流，肉碎用嘅全部都係瘦肉，加埋辣椒同埋豆角，帶岀香辣感，又更都咬口西蘭花炒蝦仁係新鮮炒起，西蘭花時間掌握得啱啱好，咬落去係爽口，蝦肉彈牙泰式炸魚餅佢呢個魚餅同平時嘅有少少唔同，入邊加咗泰式青椒，同埋有少少香茅，口味會濃少少，魚肉嘅比例好多，咬落去都好彈牙大蝦粉絲煲一上碟以為啲蝦冇晒，原來係好野藏煲底，有五隻大蝦，擺喺煲底煎到乾身，但係咬入口依然都食到鮮味，粉絲係炒乾身左嘅粉絲，再加入特製嘅醬料去炒，米粉咬落爽口，味道夠

間中去大角咀覓食，也會發現有新店的。這次就去了一家吃泰國菜的小店，店舖位於利奧坊附近。環境是泰式裝修，牆上有不少掛畫和裝飾🙈。鼠妹🐿被店家的兩餸和三餸飯吸引，因為泰式的真的少見。-▪︎泰式凍奶茶 | 龍眼冰 HKD$25飲品顏色較深色，所以味道香濃。泰式凍奶茶味道香甜，茶底濃厚奶味香甜，整體味道不會太甜。龍眼冰味道清甜，還有龍眼肉吃。-▪︎泰式燒魷魚 HKD$68熱辣辣的味道很香😍，原條魷魚挺吸引的，預先切開更方便吃。燒魷魚味道鮮味口感煙韌，配泰式醬汁吃更惹味。-▪︎泰式兩餸飯 HKD$42每天也有不同口味款式選擇，這次選擇了香葉肉碎和紅咖喱豬，兩款也是較香口的。香葉肉碎口感較豐富，味道微咸小小辣挺惹味。紅咖喱豬一口一片，肉質腍身入口，咖喱小小辣很好下飯。-▪︎泰式芒果糯米飯 HKD$68原隻芒果配糯米飯是絕配的組合，而且很香的椰子味道。芒果味道酸酸甜甜挺開胃的，糯米飯口感較煙韌，配椰汁吃味道香甜。-

未買到機票，就為有搵間泰國餐廳食下野，懷念下了，這間在大角咀鬧市，光猛裝修👍🏻 重點佢不但有泰國小菜仲有2餸飯可叫👍🏻 而且好多款式，我見好多人來買外賣2餸飯🍱🌟🌟🌟🌟🌟「乾炒雞河」夠鑊氣火候炒出來都十分野味，而且雞肉鮮嫩👍🏻而河粉用上泰國款式一塊塊款色🤭「泰式咖喱南瓜包」好大個南瓜包，外層烤至脆口，咖哩味香👍🏻有蛋花而成，有大蝦🍤炸至金黃色，南瓜包點上咖哩汁，正🤩「椰青」好多水，超甜！ 而且肉好滑，割出來食 🤭備註：🔺店主是泰國人，好有風味🤭 而且好nice主動與我溝通🔺店內裝修就似泰國小店，打卡是小不免了📸🔺下次要試下買2餸飯😋 方便回家食好野☺️

平常中式的兩餸飯就見得多，想不到現在還會有泰式版，而且風味依舊，價錢又不貴，一次就能吃上多款泰式的味道，真的不錯！泰式三餸飯（50元）一共有12款菜式供你選擇，有菜有魚有肉，比我想像中的要多！而我就選了豬手，炒雞扒和咖哩豬。每款的份量都不錯，吃起來是滿滿的泰式風味的！豬手燉煮得軟爛，店員還會加上酸辣汁，讓你吃的時候不會太單調，也去除了一下油膩感。炒雞扒是有炸過的，然後再拿去跟黃椒青椒的去炒，吃起來鹹香中帶點辣味，配飯挺不錯！咖哩豬就不會太辣，但咖哩香味挺濃，肉質挺嫩！泰式秘製燒雞（S）（90元）單看燒雞就非常吸引，燒得表面焦焦的，而且看到表面有很多香料，就能想像到味道肯定不會錯了！果然吃起來味道真的非常不錯，香料味十分香濃，香茅味濃郁，整雞都醃得很夠味，而且燒完以後，吃起來還是很嫩很滑的！還配了兩款醬汁，一個是酸辣的，一個是鹹辣的，各具滋味！泰式炒貴刁（88元）同行的朋友表示這個吃起來挺正宗的，味道是酸甜口味的，不會炒得很干身的感覺，而且加了蝦，芽菜，火腿，蔥，雞蛋，炸蒜，拌好以後，一次能吃到不同的口感，層次挺豐富！

琴日去完西九，返到屋企成身散晒，就搵返大角咀有咩好嘢食，就搵到呢一間泰國嘢叫泰好餸嘅泰國餐廳，原來食泰國嘢都唔使一定去九龍城😂😂入到去坐低，見佢裝修都好有泰國feel，有啲泰式嘅遮同埋擺設，好似去咗泰國咁。咁我哋睇返餐牌見到啲價錢都好親民，我哋嗌咗乾炒鮮蝦河，呢個啲蝦好大隻同埋唔辣，炒得好有鑊氣。另外嗌咗個泰式秘製燒雞，燒雞雞肉好嫩滑，熱辣辣食到舔舔脷。最後叫咗個泰式黃咖喱海鮮南瓜包，海鮮好足料，啲包點住啲黃咖喱咁食，再擺啲海鮮喺上邊，正呀🥰🥰最後要介紹埋佢哋有個泰式外賣兩餸飯，平時如果忙得滯唔得閒煮，兩餸飯都有泰國嘢🥰🥰仲有好多選擇添#大角咀美食 #泰國嘢 #hkfoodie #食好西 #兩餸飯 #泰國美食

平時食中式三餸飯食得多，聽同事講大角咀泰好餸有泰式兩餸飯。$42可以任選2個餸，再加$8可以升級至三餸飯。全日供應12款不同菜式，每一款菜式都吃出泰國的味道。除了三餸飯之外，餐廳亦有好多泰國特色小菜可供選擇，今日就同老公過嚟試吓。餐廳裝修簡潔，老闆和員工都係泰國人，真係好有泰國feel。泰式秘製燒雞：即叫即燒，燒雞燒得肉質軟滑而不乾，外皮香脆而且非常入味。配上兩種泰式醬汁，有辣有唔酸甜，使味道提升不少！乾炒鮮蝦河：炒得又香又夠鑊氣，用濶身嘅泰式河粉特別有口感，鮮蝦大隻好爽口。兩餸飯除咗外賣還可以堂食，揀咗豬手和咕嚕魚配白飯，咕嚕魚是酸酸甜甜的開胃餸菜，魚肉冇骨啖啖肉，食落好滑溜。豬手夠林又入味，加埋自制泰式豬手汁，配飯一流。飲品重有優惠，鹹檸七鹹甜交雜，冰涼可口。

泰式炒貴刁 Phad Thai泰式炒貴刁份量十分豐富，賣相出色，但價錢卻親民。金邊粉加上肥美嘅蝦肉、爽口豆芽菜，煙韌嘅豆腐和雞蛋。炒好後再撒上花生碎，更以檸檬草，辣椒粉，檸檬片作點綴，令味道層次更豐富。味道酸酸甜甜咁，令人開胃。泰式炸蝦餅 Deep fried shrimp cakes熱辣辣香噴噴嘅炸蝦餅賣相非常吸引。口感香脆彈牙的蝦餅配上微辣帶酸酸甜甜的泰式醬汁，特別惹味。龍眼冰 Longan Ice龍眼冰除咗係夏日解暑嘅恩物，亦都係配搭香炸蝦餅同埋大大碟炒貴刁嘅好選擇。龍眼冰甜甜的，大大粒龍眼肉，感覺更像甜品或水果，令晚餐更滋味，更圓滿。