影片
更多
2019-02-17
110 瀏覽
心血來潮想打邊爐，見到以懷舊主題作主打就立即一試。裝修的確用咗好多心機，好多舊嘅傢俬同裝飾，牆身飾櫃仲有好多吉酒樽，可見老闆係好酒之人。背景播住八九十年代電子音樂，應該用心挑選過。無論係用openrice或打電話訂位就可免費享用花膠雞煲。雞煲有辣度選擇，點咗微辣，有幾塊大花膠同其他配料，用料幾足，但味道唔太濃。雞肉幾滑，份量剛好，因為仲要留肚打邊爐。餐前小吃免費，有四粒炸魚蛋同兩粒炸燒賣，味道一般。火水爐提供兩個任食餐，揀咗$298一位嘅，侍應話d牛靚d。除咗海鮮同雞煲，其他食物同飲品都係任食任飲。食物選擇不太多，但最基本嘅食材都有提供。飲品得汽水係任飲：可樂、無糖可樂同忌廉，其他要額外收費。跟餐有個海鮮拼盤，有4隻垂死邊緣嘅蝦、兩隻冰封嘅蠔、幾舊魚同一堆5毫子大嘅蜆。睇完上述嘅形容詞，我諗你都感覺到有幾好食。到主角牛肉，兩人份量一round有四塊，有一碟係本地肥牛，味道唔錯，另外安格斯牛就一般喇。最後仲有一份刨冰兩人分做甜品，有涼粉、紅豆同罐頭雜果，都係食懷舊感覺，味道正常。埋單兩人六百到尾，抵唔抵就見人見智。不過值得一讚係侍應招呼幾好又細心，就好似時光倒流返去以前咁，人情味十足。
無論係用openrice或打電話訂位就可免費享用花膠雞煲。雞煲有辣度選擇，點咗微辣，有幾塊大花膠同其他配料，用料幾足，但味道唔太濃。雞肉幾滑，份量剛好，因為仲要留肚打邊爐。
餐前小吃免費，有四粒炸魚蛋同兩粒炸燒賣，味道一般。火水爐提供兩個任食餐，揀咗$298一位嘅，侍應話d牛靚d。除咗海鮮同雞煲，其他食物同飲品都係任食任飲。
食物選擇不太多，但最基本嘅食材都有提供。飲品得汽水係任飲：可樂、無糖可樂同忌廉，其他要額外收費。
跟餐有個海鮮拼盤，有4隻垂死邊緣嘅蝦、兩隻冰封嘅蠔、幾舊魚同一堆5毫子大嘅蜆。睇完上述嘅形容詞，我諗你都感覺到有幾好食。
到主角牛肉，兩人份量一round有四塊，有一碟係本地肥牛，味道唔錯，另外安格斯牛就一般喇。
最後仲有一份刨冰兩人分做甜品，有涼粉、紅豆同罐頭雜果，都係食懷舊感覺，味道正常。
埋單兩人六百到尾，抵唔抵就見人見智。不過值得一讚係侍應招呼幾好又細心，就好似時光倒流返去以前咁，人情味十足。
張貼