影片
更多
2021-03-29
1882 瀏覽
冬天雖然已經過咗，但係依然無減低到想食 #蛇羹 嘅意慾！對上兩次分別去咗灣仔「蛇王燊」同埋荃灣「蛇王如」，今次打大佬，去咗中環名牌蛇店「蛇王芬」。蛇王芬喺香港原來已經超過80年，都好多飲食界名人介紹過，所以唔駛多講背景。💚 二人餐 - 蛇羹 x 2 👎🏻 ＆ 生炒糯米飯 👍🏻 ($380 + 假日$50)蛇羹個底係食得出足料嘅，同埋都應該餚咗一段時間。但重點係，嚟咗兩碗蛇羹，先唔講份量偏細，加埋先得兩三條蛇肉，講緊一條係手指尾第一節咁粗到，食落去係無味嘅，完全對唔住佢呢個價錢。反而雞肉同泊脆就勁多，真係有種食碗仔翅嘅感覺。反而驚喜係生炒糯米飯，出面食到嘅大多數「生炒」糯米飯其實都係「熟炒」，話晒都係一道要火喉同哂功夫嘅中菜。臘腸膶腸味道正常（有得就咁賣，約$350一斤），飯就炒得粒粒分明，幾惹味。💚 肉絲炒麵 ✊🏻 ($80)驚唔飽嗌多咗碟肉絲炒麵，個麵炸得幾脆，味道不過不失，附送嘅辣椒油唔太辣可以落多啲。可能係午市嚟食，有一啲想食嘅菜式例如籠仔飯同煲仔菜都未有供應，但感覺到呢度嘅廚房做小菜比蛇可能更出色。所以整體嚟講其實係失望居多，如果用蛇店標準去度係唔合格，反而當係一般出名中菜廳可
冬天雖然已經過咗，但係依然無減低到想食 #蛇羹 嘅意慾！對上兩次分別去咗灣仔「蛇王燊」同埋荃灣「蛇王如」，今次打大佬，去咗中環名牌蛇店「蛇王芬」。蛇王芬喺香港原來已經超過80年，都好多飲食界名人介紹過，所以唔駛多講背景。
💚 二人餐 - 蛇羹 x 2 👎🏻 ＆ 生炒糯米飯 👍🏻 ($380 + 假日$50)
蛇羹個底係食得出足料嘅，同埋都應該餚咗一段時間。但重點係，嚟咗兩碗蛇羹，先唔講份量偏細，加埋先得兩三條蛇肉，講緊一條係手指尾第一節咁粗到，食落去係無味嘅，完全對唔住佢呢個價錢。反而雞肉同泊脆就勁多，真係有種食碗仔翅嘅感覺。
反而驚喜係生炒糯米飯，出面食到嘅大多數「生炒」糯米飯其實都係「熟炒」，話晒都係一道要火喉同哂功夫嘅中菜。臘腸膶腸味道正常（有得就咁賣，約$350一斤），飯就炒得粒粒分明，幾惹味。
💚 肉絲炒麵 ✊🏻 ($80)
驚唔飽嗌多咗碟肉絲炒麵，個麵炸得幾脆，味道不過不失，附送嘅辣椒油唔太辣可以落多啲。
可能係午市嚟食，有一啲想食嘅菜式例如籠仔飯同煲仔菜都未有供應，但感覺到呢度嘅廚房做小菜比蛇可能更出色。所以整體嚟講其實係失望居多，如果用蛇店標準去度係唔合格，反而當係一般出名中菜廳可能會更好。
味道：🌕🌕🌕🌑🌑
服務：🌕🌕🌕🌗🌑
環境：🌕🌕🌕🌗🌑
價錢：🌕🌕🌑🌑🌑
－－－－－－－－－－－－
📍蛇王芬
中環閣麟街30號地舖
－－－－－－－－－－－－
#tiufufoodie在中環 #hkfood #hkiger #hkfoodie #hkfoodlover #食到中環 #中環美食 #hkig #打卡食店 #香港foodie #香港美食 #傳統美食 #蛇羹 #蛇店 #食好西 #食評 #香港食評 #美食攝影 #老店 #相機食先 #週末好去處 #中菜 #港式
張貼
