蔦 (已結業)

呢間開左都一段時間嘅日本米芝蓮一星拉麵，今日終於搵到時間同家姐一齊去試下。我地係星期六嘅中午時間去，好好彩唔洗排隊就入得✌🏻間鋪好細間，全部都係坐bar枱對住師傅食，感覺就真係有啲係日本嘅feel。一路等拉麵泥嘅時間，一路望啲師傅點樣整碗拉麵出泥，都幾過癮。可以睇到，師傅個個都好熟手，每人負責一部分，分工得好好，所以野都好整齊清潔。- 醬油味玉拉麵 $133主角泥喇，從圖可以見到有一小匙嘅黑松露喺上面，將佢同啲湯撈勻次後飲一啖，um...個味好特別，有小小黑松露味小小醬油味咁。面我就要硬啲嘅，正正常常啦。至於叉燒呢，都正正常常啦，冇話特別好好食。個拉麵初頭食嘅時間覺得幾好味幾特別，食下食下就覺得都係平時啲豬骨湯好味啲。總結：碗拉麵我會用幾特別去形容，唔會話好好味，可能唔係我杯茶，所以我試一次就夠了。