牧羊少年咖啡館 (香港單車館)

營業中

休息中

終於開學，不過只係返半日，唔想煮，放學就同2隻小怪獸出嚟食埋lunch先返去啦～嚟左單車館間牧羊少年，裝修左之後靚左好多～餐牌都轉晒～主菜叫左個拿破崙蕃茄煙豬腿肉長通粉，豬腿肉夠腍，小朋友易咬👍🏻仲有鮮忌廉黑松露醬雜菌意大利粉，黑松露醬夠香唔膩，意粉煮得岩岩好👍🏻 2碟粉既汁都好足料，一上枱相都未影得切已經俾2隻小怪獸搶住食🤣另外主菜加$38可以配個芝士薯角～今次芝士醬分開上，非常好👍🏻想食幾多就點幾多，之前係一大pat pat係薯條上面，太多太膩我就食個煙三文魚凱撒沙律，沙律好新鮮，麵包粒夠脆，沙律菜夠爽😋睇嚟裝修完之後呢度都會繼續係我地既「飯堂」🤣🤣