影片
更多
2018-07-13
319 瀏覽
今年記念日，男朋友說平時的餐廳已經食到厭，特登安排左一間全新又未食過的餐廳比我，話一定令我好驚喜。心唸「咪又係食黎食去都係嗰d」在我嚴刑拷問下，終於透露少少風聲，嗰間餐廳原來喺海洋公園入面咁大個女，海洋公園就去得多，不過都未去過一家水族館入面的餐廳。而海龍王餐廳吃就係香港唯一一間水族館裏的餐廳，個心已經幻想到個環境，加埋上網搵左好多客人的相，今次食飯，除左試米芝蓮餐廳總廚設計的菜式，仲有的就是瘋狂打咭吧。今晚去到，原來晚上去海龍王餐廳係唔使買入場券的。喺公園正門有一個餐廳的counter 唔使驚入場的問題。一入到去，店員細心地安排左一個位置，是最近玻璃的位置，能夠將水族館的所有都一覽無遺！只係望住游來游去的不同魚，優哉游哉咁，真係同平時生活好忙的都市人一大對比，所以在這裡用餐特別自在，時間亦過得慢d！由顧問廚師陳師傅特別設計的「夏季嚐味菜單」，陳師傅是米芝蓮餐廳的總廚，質素一定有保證。今次就試左八道菜晚市套餐（每位728元未包加一）頭盤是上海傳統名菜「蜜汁火方脆千層」。雲南的火腿和金絲糖膠的搭配，以滾油爆脆的腐皮鋪底，食落去甜甜地，香脆的腐皮十分有驚喜。第二道的「藜麥百花海參」，將手打
咁大個女，海洋公園就去得多，不過都未去過一家水族館入面的餐廳。而海龍王餐廳吃就係香港唯一一間水族館裏的餐廳，個心已經幻想到個環境，加埋上網搵左好多客人的相，今次食飯，除左試米芝蓮餐廳總廚設計的菜式，仲有的就是瘋狂打咭吧。
今晚去到，原來晚上去海龍王餐廳係唔使買入場券的。喺公園正門有一個餐廳的counter 唔使驚入場的問題。
一入到去，店員細心地安排左一個位置，是最近玻璃的位置，能夠將水族館的所有都一覽無遺！只係望住游來游去的不同魚，優哉游哉咁，真係同平時生活好忙的都市人一大對比，所以在這裡用餐特別自在，時間亦過得慢d！
由顧問廚師陳師傅特別設計的「夏季嚐味菜單」，陳師傅是米芝蓮餐廳的總廚，質素一定有保證。今次就試左八道菜晚市套餐（每位728元未包加一）
頭盤是上海傳統名菜「蜜汁火方脆千層」。雲南的火腿和金絲糖膠的搭配，以滾油爆脆的腐皮鋪底，食落去甜甜地，香脆的腐皮十分有驚喜。
第二道的「藜麥百花海參」，將手打蝦滑釀入充滿骨膠原的海參，爽口彈牙；加上海參營養價值高，這一道菜好合我心意！淋上以藜麥製作的醬汁，健康得黎中和了剛才一味前菜的甜度。
第三度菜終於是我期待的燉湯「火朣冬瓜燉水鴨湯」，加入水鴨及切粒的冬瓜以慢火燉。我每一次食自助餐都一定encore中湯的我，一碗實在不太夠喉
而到主菜方面，「三蔥香檸澳洲龍蝦」是我所期待的。以青檸的酸溜帶出新鮮龍蝦的鮮甜；
澳洲龍蝦肉好彈牙，好容易食唔擔心食到無哂儀態加上葱的鮮嫩，整個畫面好似藝術品，味道又出奇配合。
食肉獸擔心不夠喉，當然不會失望。這道「雞㙡菌醬爆鹿兒島和牛粒」絕對是我的推介。
鹿兒島縣的和牛油脂味香，入口油香四射。配菜是我喜愛的露荀，爽脆鮮甜，這個絕對是加分位。
期後伴隨清淡的「竹笙釀菜苗」，菜苗只揀了最鮮嫩的部分釀入竹笙，燴入上湯，最後能夠完美中和和牛的肉香和油脂！
「蟹肉伴蕎麥涼麵」加上鮮甜的蟹肉和凍雞湯，簡直是透心涼。不過份量比較少，一啖就食左。
最後以甜點「雪膠葛仙米薏仁露」作結，滋陰養顏，不會過甜。再加上下方的招牌爆谷和曲奇碎，傳統得來又不失玩味。為盛宴畫上完美句號！
以上菜單供應到10月尾咋，男朋友話記得打去預留近窗的位置啊。最後一讚男朋友這個安排認真細心。能到水族館晚餐，一嚐米芝蓮的菜色，滿足了兩個心願。而我最後一個願望就係留喺海洋公園玩全日幾時可以陪我去呢？
張貼
