街坊Cafe (已結業)

出到旺角喺openrice 搵野食，見到呢間街坊4點到6點經openrice 訂左有半價。我地早少少食都無咩所謂啦，所以就book 左6點鐘，早少少食晚餐。我地兩個人嗌咗海蝦龍蝦汁炒河，同鐵板肉眼扒。再一人一杯飲品，我的宣言同一加一。海蝦龍蝦汁炒河幾好食呀！正確黎講應該叫濕炒。龍蝦汁底好似飲緊龍蝦湯咁，香濃得黎唔咸。海蝦肉質爽甜，細心地開咗邊，食得好方便。河粉韌度剛好，可惜每一條都太短太碎喇，係一般炒河嘅問題。食得出鐵板肉眼扒係高質食材，肉質嫩滑，仲有好有牛油味。我地叫六成熟，係煮到剛剛好。不過唔知點解我地上菜時，個鐵板都係少熱，倒汁落去時都無沙沙聲；反而見到隔離枱嘅西冷鐵板係熱到出晒煙，唔知係咪因為唔同部位嘅關係。無沙沙聲有啲唔開心，個味道上係okay 嘅~兩杯飲品外觀同味道都唔錯，而個人認為我的宣言味道上更適合女生。透過Openrice 訂位會有優惠，4點至9點入座就半價，之後都有79折。折咗之後價錢係正常嘅，以呢個質素黎講，仲幾合理。不過如果係原價，以呢個地理位置，我就會覺得貴左少少喇。