影片
更多
2018-07-15
326 瀏覽
星期一下午打電話訂星期五晚7點半3位。去到被分配到一張二人枱。店員表示我係最後一個打電話訂位嘅人，所有訂位位置已經滿咗，其他要俾walkin客。而當晚1940walkin就已經要等位。結果我地三個女生就要迫埋坐，食物都唔夠位放。餐廳算光猛，全店有33個坐位，空間比較細，坐滿時會偏嘈。好彩無限用餐時間。講返食物先。我地一人一杯飲品，同埋叫咗幾樣嘢分享。三星牛肉麵($82)。湯底一般，都算足料，麵條彈牙。阿嬤魯肉飯($42)。係肉粒，唔係碎肉。自己食曬一碗會悶，最好分享。溏心蛋滷得夠味，半溏心狀態。第一鹽酥雞($48)。大細不一，有啲肉嘅頭頭尾尾。香口夠味，面頭有生蒜增加味道。大腸就是狂($48)。同樣有生蒜響面。脆口，但炸得太耐太乾，無曬煙韌口感。香芋拿鐵加紅豆少甜少冰($31+5)。重香芋味，面頭有奶蓋。做到少甜少冰。紅豆都足料。唯一一樣可以叫好味。總結係，食物質素唔係咁超卓令我會去等位或者迫迫下咁食。
餐廳算光猛，全店有33個坐位，空間比較細，坐滿時會偏嘈。好彩無限用餐時間。
講返食物先。我地一人一杯飲品，同埋叫咗幾樣嘢分享。
三星牛肉麵($82)。湯底一般，都算足料，麵條彈牙。
阿嬤魯肉飯($42)。係肉粒，唔係碎肉。自己食曬一碗會悶，最好分享。溏心蛋滷得夠味，半溏心狀態。
第一鹽酥雞($48)。大細不一，有啲肉嘅頭頭尾尾。香口夠味，面頭有生蒜增加味道。
大腸就是狂($48)。同樣有生蒜響面。脆口，但炸得太耐太乾，無曬煙韌口感。
香芋拿鐵加紅豆少甜少冰($31+5)。重香芋味，面頭有奶蓋。做到少甜少冰。紅豆都足料。唯一一樣可以叫好味。
總結係，食物質素唔係咁超卓令我會去等位或者迫迫下咁食。
張貼
