奔之食堂 (已結業)

近排個個都去過打卡咁滯嘅角落生物餐廳，終於輪到我去打吓卡啦，不過今日我哋都係即興去，冇預先book位。銅鑼灣嗰間淨係可以Walk in，尖沙咀呢間就可以先online Booking, 仲可以揀定邊款角落生物一齊楚添！同兩個朋友十二點零鐘去到，好多人食緊野，都排咗一陣隊先有位！同埋原來角落生物餐牌，要下午茶時間先有！我哋太肚餓喇，冇等到下午茶先落order，所以都係叫返午餐餐牌！一個set lunch都包好多嘢，尖沙咀商場地段，價錢都預左少貴，不過要打吓卡都無所謂啦😆我哋叫咗3個set share, 最令人回味炸雞配麻辣醬滷肉撈麵！炸雞炸得啱啱好，炸皮唔會太厚，入面肉質係Juice嘅，不過略嫌個皮甜咗少少！加左個黑糖珍珠奶茶同普通珍珠奶茶，正常發揮！