The Artlab by Favilla (已結業)

基本上lunch搵到一間抵食又好味嘅，呢間觀塘樓上cafe係一定要食。好耐之前我已經寫過呢間，好食到要再寫update下先。又有新嘢啦，正，乜都好想食，揀唔到！呢間cafe勝在男女顧客唔會差好遠，雖然花做主題，重點係嘢食好味。Cappuccino ，配餐另加19元，同事話又靚又好飲。Lemonade soda ，半價23元，同事話靚得嚟唔會假味，飲落好舒服。我點咗呢個蟹肉all day，98元，上碟個下蛋好熱，蛋又滑又夠味，搞到自己覺得好似好耐無食過好嘅炒蛋（係事實）。蟹肉酸種包俾你感覺好豐富，每啖蟹肉唔係hea你，搽滿整片，包亦烘過。沙律有士多啤梨唔會怪，佢嘅沙律汁又夾到。薯蓉係一貫係有質素，唔駛講。呢點必須要讚，醒且嘅店員好重要，一早點定甜品同要求，全部都做到，重點係柚子芝士28元，好好食，柚子唔會搶flow，兩者平衡到，細細件，每人一啖仔就夠（個餐真係好飽）。Cafe用簡單線掛上唔同嘅相，一啲令人感觸嘅相片。好少cafe令我俾全高分，呢間係要，cafe仲要做到無油煙帶走。