My Boat (已結業)

又因為工作嘅關係，今次去咗觀塘工廠區。喺度諗食咩好嗰陣見到「My Boat」嘅餐牌，眼見價錢合理，食個意粉大概$60至$70左右，就上咗去。踏入餐廳有店員岀嚟量體溫，之後比咗個裝口罩嘅紙袋我用。Cafe嘅環境亦都幾舒服，主要係藍色同白色為主，有少少希臘小島feel。至於食物方面，我就嗌咗個「白汁煙三文魚蘑菇天使麵」，另外跟餐可以選擇例湯或者沙律，我選擇咗例湯。例湯係忌廉蘑菇湯，隻碗好得意，可能考慮買一套類似嘅自己用。至於碟意粉呢，有三大塊煙三文魚捲成一朵花嘅形狀，個白汁亦比想像中light，而且比想像中飽。甜品係啫哩，可以加錢轉做蛋糕不過已經飽所以留返下次先試。賣單都只不過係70蚊，真係扺食，絕對有下次。