魚川居 (已搬遷) 新店位置

觀塘地鐵站，步行4分鐘，就到豐利中心5樓嘅魚川居。平時食午餐都比較多人，揾好食嘅嘢都唔容易，魚川居呢度都坐得好舒服，同埋好快就送飯，唔使驚唔夠時間食。今日食世一無骨海南雞飯$60配油飯，有例湯(唔係味精湯)所以送完即止架！凍飲叫左青檸梳打，加12蚊。好大碗油飯，飯乾爽，雞入味，雞都好大件，佢碟辣汁都好味，我本人就咁食雞就冇沾汁。另一個係招牌酸菜魚$62，我選擇小辣，配白飯。天氣熱，食d辣野開胃呀⋯⋯酸菜湯好夠味夠濃，一dd辣，入面好多酸菜芽菜芫荽同魚片，魚片係大塊，魚肉滑，食午餐嘅份量就啱啱好。