巴巴串

營業中

休息中

第一次試呢種自助燒串燒嘅餐廳，過程無火，而且有冷氣，好新鮮嘅體驗🤩而餐廳距離地鐵站行五至七分鐘左右，好易揾👍🏻入面環境唔錯，而且好闊落，啲枱張張都好大😚坐2至8個人都絕對無問題，好適合同成班frd或者一家大細黎食😍😍放題選擇好多🤤🤤🤤🤤🌈前菜/小食淨係啲前菜同小食都好吸引😋😋一般冷盤有芝麻八爪魚、螺肉、中華沙律、大蝦沙律等，仲有炸物有炸魷魚圈、春卷、炸雞粒等，全部都炸得好香脆，好好食！仲有好多少見嘅特色小食，例如芝士生菜牛角包、蟹柳撻等，全部味道都唔錯👍🏻👍🏻🌈串燒串燒選擇好多，有一般肉類（豬、牛、雞）仲有菜（菇、翠玉瓜等），同埋一啲丸類（芝士丸、沙律龍蝦丸等），仲有綿花糖、油炸鬼等，好多已經醃製好，直接燒已經好夠味好juicy😚🌈海鮮呢間啲海鮮選擇唔少之餘仲幾新鮮😍有帶子、青口、花甲等，個花甲燒完之後超清甜🤩推薦！！🌈甜品甜品又係選擇超級多，仲有兩個櫃，有雪糕、生果、特色甜品等等，生果幾新鮮，甜品好食得黎又唔會太甜太膩😋😋🌈飲品除咗有各式汽水，紙包果汁飲品，仲有好多無糖茶👍🏻👍🏻👍🏻👍🏻真係食幾多串燒都唔怕肥啊✨餐廳做緊優惠，仲特別送咗新鮮爽脆白鱔串同蒜蓉粉絲蒸大扇貝🤣🤣兩個都好新鮮