媽咪雞蛋仔 (已結業)

咁岩冇人排隊，由叫嘢食到雞蛋仔準備好，都係幾分鐘嘅時間，非常之有效率！雞蛋仔嗌咗伯爵茶味道，$31！佢用一個手挽位嘅紙盒裝住個雞蛋仔，紙盒上面有好多個窿可以俾啲雞蛋仔透氣，其實呢個設計好貼心，而且都幾靚。但係因為疫情問題，加上唔係即刻食, 唔想個雞蛋仔係街邊吸塵，所以都拎左個膠袋再袋住佢，拎返屋企慢慢食。雞蛋仔個皮做得夠脆，好熱，雞蛋味道幾香，伯爵茶嘅味道亦都香，兩者配合埋一齊，好好食，唔會太甜，亦都夠味，下次要試吓其他先！