張公子

營業中

休息中

最近食得多西餐，突然想食返下中菜，所以今次就去左觀塘既【張公子】食晚飯啦。晚餐時間無咩人，所以同fd或者屋企人食飯傾計係一個唔錯既選擇。張公子叉燒：厚切叉燒用熱爐上，叉燒基本上唔肥，但超級軟。非常入味、又唔會太鹹而且蜜汁濃郁。艷影蝦球：呢個見佢係推薦同好多人都叫，所以就叫左。大大粒蝦球包住左炸皮，非常酥脆、而且完全唔覺得油膩，醬汁係芥末+沙律醬，酸酸甜甜、好開胃。超級推薦。薑葱野菌筍殼魚腩煲：超級熱辣辣，分量都好多，薑葱燒汁非常惹味，不過略嫌魚肉骨有D多。鮮腐竹蕃茄菜苗：大大份菜，出面食菜通常分量好少。蕃茄湯好清甜完全唔會酸，鮮腐竹加左唔同既口感。