影片
更多
2024-02-22
68 瀏覽
晚上同老公浪漫一下, 揀咗呢一間位於觀塘海濱道, 近海濱公園附近嘅呢間餐廳, 佢有個大露天餐枱, 可以係舒適嘅用餐環境, 慢慢咁傾下計飲下酒; 呢度樓底幾高, 裝修都靚, 簡約型格, 好fashion; 佢啲二人套餐其實幾抵食, 仲有六折優惠, 下次再試先。餐廳主打西式料理, 餐牌上有沙律, 手工薄餅, 意粉, 肉類等, 每個分類都有四至七款選項, 仲有酒精類飲品。雞胸凱撒沙律 - $118蔬菜新鮮就一定啦, 片片菜都爽脆多水, 仲有大塊嘅雞件做配菜, 雞肉又唔’鞋’, 全部都好fresh,又唔驚食唔包, 都大份。卡邦尼薄餅 - $168Pizza即叫即整, 仲要係手搓, 成個pizza顔色好豐富, 薄餅底烤得酥脆金黃, 批邊焗得膨鬆帶空氣感, 因手工pizza, 有別一般傳統嘅風格; 卡邦尼汁配上意式煙肉, 意大利奶酪芝士, 忌廉, 巴馬臣芝士,馬蘇里拉芝士, 味道豐富而且濃郁。蛋黃流心嘅鵪鶉蛋增添咗一份豐富嘅口感同味道, 好特別。 燒大蝦三文魚子龍蝦汁扁意粉 - $158意粉基本上都係指定嘅主食, 意粉份量充足, 大蝦大大隻好新鮮厚肉, 肉質爽口彈牙, 龍蝦汁都好濃郁香氣撲鼻,
雞胸凱撒沙律 - $118
蔬菜新鮮就一定啦, 片片菜都爽脆多水, 仲有大塊嘅雞件做配菜, 雞肉又唔’鞋’, 全部都好fresh,又唔驚食唔包, 都大份。
卡邦尼薄餅 - $168
Pizza即叫即整, 仲要係手搓, 成個pizza顔色好豐富, 薄餅底烤得酥脆金黃, 批邊焗得膨鬆帶空氣感, 因手工pizza, 有別一般傳統嘅風格; 卡邦尼汁配上意式煙肉, 意大利奶酪芝士, 忌廉, 巴馬臣芝士,馬蘇里拉芝士, 味道豐富而且濃郁。蛋黃流心嘅鵪鶉蛋增添咗一份豐富嘅口感同味道, 好特別。
燒大蝦三文魚子龍蝦汁扁意粉 - $158
意粉基本上都係指定嘅主食, 意粉份量充足, 大蝦大大隻好新鮮厚肉, 肉質爽口彈牙, 龍蝦汁都好濃郁香氣撲鼻, 夠creamy, 啲汁係掛哂上意粉, 真係每啖都食到濃濃嘅龍蝦汁, 另外仲配有三文魚籽嘅鮮味, 食落去口感好豐富; 佢啲係 Al Dente自家製扁意粉, 口感都唔同啲, 令人回味無窮。
Ice Cappuccino - $38
牛奶同咖啡比例啱啱好, 都幾幼滑。
張貼
