牛霸王

營業中

休息中

觀塘真係好多隱世美食，最近發現咗呢一間超高質嘅手打漢堡丼飯專門店，環境舒適，簡約風格，好適合放工嚟chill吓，漢堡扒高質得嚟價錢又親民，好推薦大家一試！我哋嗌咗個招牌手打和牛漢堡蘭王蛋飯同埋手打芝士安格斯漢堡蘭王蛋飯，賣相吸引，一見到已經流晒口水，蘭王蛋幾有驚喜，蛋黃色水幾靚，味道幾濃，撈飯一流，超級開胃，配埋秘製漢堡汁，講真淨係蛋黃同漢堡汁已經可以送晒成碗飯！當然唔少得主角漢堡扒啦，兩塊漢堡扒都係手打嘅，超級Juicy，牛肉味亦都好濃郁，和牛漢堡會比較多肉汁，而安格斯漢堡嘅牛味會比較出，更加值得一睇嘅係，安格斯漢堡入邊仲有一塊半溶嘅芝士，幾好食！加埋少少泡菜令到成碗飯嘅口感再多一個層次，亦都更加開胃！最後我哋仲追加兩份一口芝士，即炸新鮮熱辣，外皮炸到脆卜卜而入邊嘅芝士係流心嘅，諗起都想再食多粒！非常推薦大家你去觀塘就要試吓呢一間隱世手打漢堡丼飯，但係建議一定要去訂位先，因為都幾多人！