Bella Shine (已搬遷) 新店位置

唔知係咪近排啲雜誌報導得多, 工廈區真係越來越多好野食! 真係岩哂我地呢啲日日食茶記既人!! 今次黎試既呢間都係西餐, 位置好大, 一行十多人book間房坐是常識吧!Set Lunch價錢由$7X-$12X不等, 豐儉由人啦! 可揀餐湯or沙律, 另配飲品。凍檸茶真係lunch必備, 好大杯, 糖由自己加, 茶味夠濃!餐包味道幾特別, 好香既香草味, 入口鬆化, 但略嫌有少少乾, 點湯食就岩岩好。周打蜆忌廉湯-奶味好重@@ 用料豐富, 有好多蜆, 但湯比較稀, 同埋唔好奶味既朋友可能唔太岩飲了...眾所周知, 喇沙係我既最愛。想說西餐食喇沙好似有點怪, 但我都係想試! 虎蝦喇沙, 價錢不便宜, 盛惠$92, 虎蝦只有一隻且size不大。味道方面, 喇沙湯味道好濃, 辣味亦好足夠, 油麵韌度岩岩好, 唔會太淋。另還有豆卜, 雞蛋同魚餅, 豆卜一開二因此非常入味, 魚餅既口感亦都唔錯有兩塊。至於虎蝦因為炸過既關係, 所以食唔出新唔新鮮, 但都幾彈牙可以接受。呢間可以再試, 見到有人食窩夫@@ 貌似好好味, 下次可以試其他main course同甜品