IJ Kitchen (已結業)

今晚同屋企人嚟IJ kitchen食私房菜， 之前來過食午餐覺得食物唔錯，所以想試埋佢嘅晚市西餐私房菜。我哋交畀廚師發板，由他安排食什麼。先來八隻生蠔，海水味重，都幾新鮮。之後就到龍蝦湯，蝦味濃郁，味道都唔錯。沙律就普通啲，只得綠色嘅蔬菜及沙律醋，味道較單調，如果多一些配料就好了。黑毛豬扒同牛扒都煎得香口，外面香脆，裏面帶有少少粉紅色juicy，大家share吃，好滿足。海鮮意粉都好正，龍蝦汁入曬味，裡面有不少海鮮，食到啖啖蟹肉。最後的朱古力甜品十分美味， 朱古力醬香滑濃郁，食到停唔到口，一件要四個大人分真係唔夠喉。