影片
更多
2017-03-03
3573 瀏覽
好耐冇食過素食，難得觀塘有間未食過既素食，而且我住係附近，就過黎食下 舖面幾靚，環境幾寬敞，中國色彩又不乏時代感 以為通常老人家先食素，但係估唔到年青人都唔少 帝苗餃 $36 餃皮晶瑩煙韌，一咬落去即嘗到滿滿既菜汁，軟綿既餃皮配爽口清香既菜苗，口感唔錯 薑汁炒翡翠苗 $78 菜苗翠綠色炒得好靚，香口之餘，加左唔算太重味既薑汁，反而有重清新既感覺 黃耳栗米羹 $48 栗米羹係清淡之選，加左粒粒栗米口感唔錯 酥炸秋葵 $55 平日好少食秋葵，炸既都係第一次食 但係味道唔錯，香脆且頗有咸香，炸漿又唔太厚 招牌椒鹽金針菇 $68 見佢個名咁出，當然叫黎食下 果然冇令人失望，呢個煮法好特別 雖然冇左菇既質感，但多左份香脆，重有椒鹽香添 掠拌海蜇 $48 雖然唔夠真既海蜇咁爽口 但係幾清新開胃，少少辣味都幾過癮 紅燒竹笙燴素翅 $48 呢個仿真度極高，味道清甜 素翅爽口又有滑溜既感覺 大廚客家豆腐煲 $98 豆腐豆味香濃，少少煎香既感覺，入口香滑 配上特別既醬汁，調味出色 重有新鮮既菜，味道都幾豐富 牛肝菌香煎芙蓉鮮竹 $138 我本身係好鐘意食煎蛋 呢道菜雖然只係芙蓉腐竹，但係非常軟滑，重嘗到豆
舖面幾靚，環境幾寬敞，中國色彩又不乏時代感
以為通常老人家先食素，但係估唔到年青人都唔少
帝苗餃 $36 餃皮晶瑩煙韌，一咬落去即嘗到滿滿既菜汁，軟綿既餃皮配爽口清香既菜苗，口感唔錯
薑汁炒翡翠苗 $78 菜苗翠綠色炒得好靚，香口之餘，加左唔算太重味既薑汁，反而有重清新既感覺
黃耳栗米羹 $48 栗米羹係清淡之選，加左粒粒栗米口感唔錯
酥炸秋葵 $55 平日好少食秋葵，炸既都係第一次食
但係味道唔錯，香脆且頗有咸香，炸漿又唔太厚
招牌椒鹽金針菇 $68 見佢個名咁出，當然叫黎食下 果然冇令人失望，呢個煮法好特別
雖然冇左菇既質感，但多左份香脆，重有椒鹽香添
掠拌海蜇 $48 雖然唔夠真既海蜇咁爽口
但係幾清新開胃，少少辣味都幾過癮
紅燒竹笙燴素翅 $48 呢個仿真度極高，味道清甜
素翅爽口又有滑溜既感覺
大廚客家豆腐煲 $98 豆腐豆味香濃，少少煎香既感覺，入口香滑
配上特別既醬汁，調味出色
重有新鮮既菜，味道都幾豐富
牛肝菌香煎芙蓉鮮竹 $138 我本身係好鐘意食煎蛋
呢道菜雖然只係芙蓉腐竹，但係非常軟滑，重嘗到豆香添
驚喜既係裡面藏左唔少配料，有牛肝菌，芽菜等等，
牛肝菌味道獨特之餘加添左鮮竹既香
Happy cow純素雪糕 $38 第一次食冇加牛奶既純素雪糕
榛子味唔錯，好香甜，不過口感似冰多d,而且比較硬，但係都幾特別
蘆薈杞子桂花糕 $35 賣相好靚，好似畫左幅畫上去咁， 桂花清甜甘香，加左少少蘆薈粒都幾清新
雲南菊花普洱茶 $78 食左唔少煎炸野當然要叫返壺茶減下膩
一開始只有茶香，但愈飲菊花味愈濃，少少回甘既感覺
今餐好滿足，朋友都話食得好開心，以後食素又多左個選擇
張貼
