I's Land Cafe (已結業)

今次搵食搵到黎工廠區，唔黎唔知，原來工廠大廈開左好多正野！我同男朋友揀左間靚靚餐廳撐枱腳，就係 I's Land la! 入到去，不禁哇左一聲！因為好大，好靚，好少係香港搵到間坐得舒服又大又靚既餐廳。有種好似去左台灣既感覺。 一睇菜單，好多野食，揀左三個字先決定好食咩！ 我地兩個人叫左一個生蠔，一份牛排同一份德國豬手。好，等我遂個話你地知好無味啦！生蠔一份四個，份量岩岩好！食落都新鮮既，肥美多少少就更好！ 牛排同德國豬手係set dinner，所以有跟湯，係羅宋湯，個湯好好味，好濃味，足料，正！送埋個包，簡單無得彈，絕配。好，到牛排啦，好大份，根本上我淨係食到一半，別外個半就夠男朋友幫我KO! 成餐飯我最為滿意係個豬手，好大隻，真係外脆內軟！平時食豬手好怕的皮好硬，今次呢個好有口感。而入面個肉，哇，juicy 到呢~~~~~~大滿足。 最後叫左個洋甘菊花茶同雪糕嘆下，無敵