I's Land Cafe

放工同三五相己相約到觀塘食晚餐，友人提議位於駱駝漆大廈既I's Land Cafe。一入餐廳，地方寬敞、用左森林Feel既設計，又播放住雀鳥音效，感覺好Relax，正好將一日既勞碌趕走。我地點左A5和牛、厚切美國肉眼扒、黑松露芝士西蘭花齊齊Share。

先講A5和牛，脂肪比例OK，口感較油香，真係有入口即溶感覺！

厚切美國肉眼扒，點左5成，唔算好厚切，熟左少少，但牛肉味濃過和牛，口感較實，個人buy呢個牛扒多D。

黑松露芝士西蘭花，芝士幾香，黑松露味就唔夠出，西蘭花淋中帶咬感，整體都OK的。

唔夠喉，又點左個香蕉船，都係現成材料，正正常常，雪糕幾好味。餐飲點左水果茶，佢d糖漿幾特別，落晒都係清清地、唔會太甜，幾好架，整體質素唔錯，應該會再黎。