Lagom Kaffe (已結業)

終於等到星期日 本身約左朋友諗住去觀塘海濱長廊野餐 點知落雨天陰陰 朋友就介紹去海旁附近商廈嘅一間Cafe食野 下午2:30到諗住下午茶會冇咁多人 點知門口已經有好多人排隊***我地叫左個三文治同一個pasta 牛肉培根烤肉醬三文治 雖然三文治嘅麵包算係偏硬 但份量非常十足 滿滿嘅牛肉同bacon鋪喺面 再加埋bbq sauce 味道非常濃郁 仲有一隻流心蛋😍👍🏻***奶油花雕酒燉雞意大利粉睇落去好細份嘅pasta 食落去竟然都夠飽 意粉好creamy 雞肉幾軟腍 係不錯嘅pasta ***最愛就係佢地嘅巴斯克抹茶芝士蛋糕 雖然抹茶味不是很濃郁 但燒焦左嘅外皮加上濕潤綿密嘅芝士真係好好食