影片
更多
2018-11-16
4051 瀏覽
今晚籃球之夜，趁仲有d 時間先開波，打波前約埋個波友去球場附近揾好西食，佢帶左我去活化工廈Wave 3 樓既mini friday食好西！7 點幾去到，都已經坐滿7-8 成坐位，人氣極旺！ 餐廳勝在地方大，位置選擇多，2人檯到十幾人檯都有供應，佈置都幾舒服！坐底無耐，單都未落，待應就拎左碟脆片俾我哋食，非常窩心！ 餐廳主打西餐，食物款式選擇多，意大利，法國，美國餐都有供應！價錢豐儉由人！我哋先叫左個意式蕃茄薄餅食，份量足夠2人share, 熱辣辣送到，芝士濃厚，餅底香脆，蕃茄味十足，$98抵食！跟住到既係岩鹽燒極黑牛脷，賣相吸引，厚切牛脷份量有返咁上下，外皮燒做得恰到好處，肉汁完全鎖在入面！正宗外肥內嫩！ 唔會太乾太韌！輕鬆切開香味出晒嚟，咸咸地既味道，口感有d似厚切午餐肉，不過呢件牛脷會嫩滑好多，肉汁多好多，味道惹味好多！推介！今晚最後出場既係 奥良爾燒全隻法國黃油春雞，賣相吸引，帶少少香蒜味！ 雞肉食落嫩滑，蒜香味重，本來好油既黃油雞食落完全唔覺得油膩，反而啖啖既雞油令雞肉更香，更滋味！我再留意下個雞殼，原來入面釀入左大量既原粒蒜頭，怪唔得會唔油膩，因為多餘既油份都被蒜頭吸收了
7 點幾去到，都已經坐滿7-8 成坐位，人氣極旺！ 餐廳勝在地方大，位置選擇多，2人檯到十幾人檯都有供應，佈置都幾舒服！
坐底無耐，單都未落，待應就拎左碟脆片俾我哋食，非常窩心！
餐廳主打西餐，食物款式選擇多，意大利，法國，美國餐都有供應！價錢豐儉由人！
我哋先叫左個意式蕃茄薄餅食，份量足夠2人share, 熱辣辣送到，芝士濃厚，餅底香脆，蕃茄味十足，$98抵食！
跟住到既係岩鹽燒極黑牛脷，賣相吸引，厚切牛脷份量有返咁上下，外皮燒做得恰到好處，肉汁完全鎖在入面！正宗外肥內嫩！ 唔會太乾太韌！
輕鬆切開香味出晒嚟，咸咸地既味道，口感有d似厚切午餐肉，不過呢件牛脷會嫩滑好多，肉汁多好多，味道惹味好多！推介！
今晚最後出場既係 奥良爾燒全隻法國黃油春雞，賣相吸引，帶少少香蒜味！
雞肉食落嫩滑，蒜香味重，本來好油既黃油雞食落完全唔覺得油膩，反而啖啖既雞油令雞肉更香，更滋味！
我再留意下個雞殼，原來入面釀入左大量既原粒蒜頭，怪唔得會唔油膩，因為多餘既油份都被蒜頭吸收了唔少，而且增加了唔少蒜香味！ 我都忍唔住食左幾粒帶雞油香好稔既蒜頭，真係做得好出色！
呢個就係我哋兩個麻甩今晚既晚餐！勁豐富
埋單5百幾，每人2百幾，以質素嚟計都幾合理！ 下次可以再食
張貼
