神木日本料理 (已結業)

附近放工，發現呢間日本料理性價比高。由於太隱世，要話比多啲人知，等多啲人試到！日本空運新鮮刺身-金目鯛肉質細緻鮮美，薄切，少少爽口。Toro蓉夾餅菜單上冇㗎，係店員推介的小吃。賣相好精緻，撒上金泊，好bling bling✨好多時都係配多士、飯，估不到用夾餅，好似食緊甜筒咁，係個雪糕變咗Toro蓉！鐘意食拖羅的人，一定要點呢個。炙燒和牛海膽魚子丼有齊晒我最鍾意嘅和牛同埋海膽。海膽鮮甜又新鮮。和牛好肥美，油脂豐富，粉嫩色，火炙時間掌握得好，唔鍾意太生嘅朋友都會接受到。唔怪之得係最受歡迎嘅定食！木🪵壽司定食配吞拿魚蓉魚子手卷及湯烏冬成個set有好多野食，岩晒啲乜都想食啲嘅人😂壽司放喺層架上邊好似食high Tea咁，有種高級感。而壽司上的刺身，又真係高級質素，有吞拿魚、赤蝦、白身魚、赤貝、燒左口魚裙邊、日本鮮魚，全部都好fresh，濃香的魚味在口中久久徘徊！湯烏冬好大碗，食翻啲暖嘢入肚，特別幸福~所有定食都會送湯和茶碗蒸。飲品方面，我推介自家製冷泡茶白桃味，香味清幽且味道甜美可口，仲可以拎走再沖多2,3次，好襟飲。我朋友就揀咗杯草莓乳酸梳打💕不會過於甜膩， 令人透心涼的冰鎮飲料🥤