甘鯛鱗燒伴黑松露忌廉汁
平時食放題點會有甘鯛？！魚皮烤到超脆，鱗片食落似薯片咁，黑松露忌廉汁香到飛起，朋友話係今晚MVP！
魚子醬藍鰭拖羅蓉手捲 藍鰭拖羅蓉多到溢出手捲外面，上面再堆滿魚子醬，一啖咬落去「啵啵啵啵」爆到滿口都是！$398食到呢樣即係白撿！
牛油燒吉品鮑汁燴花膠 6頭鮑魚！仲要係吉品鮑！花膠厚到要用刀切，鮑汁濃郁到不得鳥，朋友話比好多酒樓仲好食…
金銀蒜粉絲蒸蟶子王 蟶子超巨型，肉厚彈牙，金銀蒜蒸得香口但唔辣，粉絲吸晒啲汁，一碟秒清！
酥炸桶蠔 個蠔大到同我拳頭差唔多！炸得外脆內多汁，蘸少少美乃滋即刻昇華
其他刺身（藍鰭拖羅、三文魚腩、赤貝、帶子）都新鮮，厚切到完全唔似放題水平，瑤柱XO醬炒螺片又香又入味。服務員好主動，見我哋啲碟堆高咗即刻幫手收，仲會推薦當日靚貨。環境乾淨企理！
