LM Cafe (已結業)

夜晚收工約左朋友係觀塘食飯，經過中海日升中心見LM cafe門口有餐牌選擇都多，係西式茶餐廳，就決定入去試下。入面裝潢設計簡潔為主，地方寬敞，比人舒服嘅感覺。咸牛肉芝士玉子燒配炸蝦意粉，份糧真係非常多！玉子燒大份得黎又軟熟，火喉控制得啱啱好，入面有大量咸牛肉芝士。炸蝦都有成4隻，大大隻好彈牙，炸完都好juicy！黑松露薯條，份糧有成2盒M記薯條有多，新鮮炸起熱辣辣，條條都金黃香脆，配埋個黑松露醬，真心正！雖然叫嘅嘢食唔係好多，但都食到好滿足好飽。