日月堂

營業中

休息中

哩嗰星期真喺日日喺觀塘揾食，又想食臺灣嘢，哩間臺灣餐廳幾唔錯，試試啦。不过哩間餐厅真喺有少少难揾，兜左成嗰圈才揾到，位置未算就脚，比个tips比食家，要从兴业街才能入到。今次揀咗麻辣餛飩拌面，手工滷肉飯(小)，麻辣臭豆腐,炸鹽酥雞，荔枝紅茶同黑糖珍珠鮮奶。唔喺好肚餓怕食唔哂，手工滷肉飯揀咗細份。话喺细份，但喺分量都唔算细，滷肉比得都好多，同埋滷肉都幾大一塊，拌飯吃一流。麻辣餛飩拌麵喺配咗六粒餛飩，餛飩超大一粒仲有六粒，分量真喺唔細，食完已經好飽，面喺韌果款，喺我钟意食啲口感，OK喎。食台灣菜當然要揀鹽酥雞啦，哩間鹽酥雞都超大一份，炸得好香口，同外皮嘅鹽酥雞粉好夾，檯面仲有鹽酥雞粉比大家DIY自己鐘意啲口味，唔错。麻辣臭豆腐就唔算好麻辣，辣度OK，同埋臭豆腐食落只有少少臭，好似食咁普通豆腐，好味。黑糖珍珠鮮奶好好飲，珍珠好彈牙，黑糖都比得幾多，同埋唔會好甜。荔枝紅茶好大一杯，淡淡啲荔枝果香同紅茶底好match，揀咗普通甜度都唔会好甜，唔错。