影片
更多
2021-05-29
88 瀏覽
今日去咗觀塘工廈度搵美食。喺OpenRice見到呢間餐廳好多人like就上咗去試下。入去之前要帶腳套同消毒雙手，喺疫情之下衛生措施都做得非常之好。星期日下晝間餐廳都好full，好多都係一家大細嚟。我哋叫咗個二人套餐，有餐湯同沙律。餐湯係羅宋湯酸酸甜甜好開胃，沙律嘅菜同蕃茄都好新鮮。我哋叫咗兩杯嘢飲唔該係300次朱古力奶，啲朱古力打到好挺身，又唔會好甜飲完好頸渴個種。另外杯嘢飲係玫瑰荔枝梳打，夏天飲就啱晒，消暑解渴。另外我哋加咗$28叫咗個小食拼盤。望落好似麥樂雞嗰舊原來係炸魚，入邊啲肉仲係嫩嘅。令我嘅炸薯角同炸雞條都炸得好香脆。主菜我哋叫咗個芝士蘑菇巴馬臣火腿Pizza，成個Pizza都佈滿芝士切嘅時候仲有拉絲，而且個餅底都好脆。另外叫咗個芝士忌廉蘑菇意大利飯，忌廉芝士味好香濃痴住每一粒飯。意大利飯亦都有咬口，係我鍾意食嘅嗰種軟硬度。成間Cafe都有好多貓走來走去，所以食餐飯都食得好開心，又可以同佢哋玩，係一個週末假日嘅好去處。
喺OpenRice見到呢間餐廳好多人like就上咗去試下。
入去之前要帶腳套同消毒雙手，喺疫情之下衛生措施都做得非常之好。
星期日下晝間餐廳都好full，好多都係一家大細嚟。
我哋叫咗個二人套餐，有餐湯同沙律。餐湯係羅宋湯酸酸甜甜好開胃，沙律嘅菜同蕃茄都好新鮮。
我哋叫咗兩杯嘢飲唔該係300次朱古力奶，啲朱古力打到好挺身，又唔會好甜飲完好頸渴個種。另外杯嘢飲係玫瑰荔枝梳打，夏天飲就啱晒，消暑解渴。
另外我哋加咗$28叫咗個小食拼盤。望落好似麥樂雞嗰舊原來係炸魚，入邊啲肉仲係嫩嘅。令我嘅炸薯角同炸雞條都炸得好香脆。
主菜我哋叫咗個芝士蘑菇巴馬臣火腿Pizza，成個Pizza都佈滿芝士切嘅時候仲有拉絲，而且個餅底都好脆。
另外叫咗個芝士忌廉蘑菇意大利飯，忌廉芝士味好香濃痴住每一粒飯。意大利飯亦都有咬口，係我鍾意食嘅嗰種軟硬度。
成間Cafe都有好多貓走來走去，所以食餐飯都食得好開心，又可以同佢哋玩，係一個週末假日嘅好去處。
張貼
