Oasis Corner (已結業)

觀塘工廈美食很多，集中在駱駝漆至駿業里，人流太多比較嘈雜，又要經常等位。今次走向成業街的工廈搵食，人流較少之餘，食物質素普遍更好和坐得舒服。 Oasis Corner主打韓式三文治和全日早餐，也有意粉和多款飲品選擇，網上見到三文治很吸引，所以試一試佢。 🥪 秘製慢煮牛柳芝蛋三文治 $68(慢煮牛柳、芝士、蛋、生菜)推介!! 炒蛋很厚滑，連芝士夾在一起炒，不會過熟。牛柳慢煮處理，半生熟而肉汁豐富，一咬落去啲汁流出來，十分juicy。三文治有烘過，食落香脆可口，加入生菜，邪惡感大減，整體很搭配又唔會膩。🍳 美式全日早餐 $96包括：車厘茄+大啡菇+蛋+煙肉+腸+自製薯角+藍莓+沙律菜 (選了牛角包和黑毛豬)種類算多，製作用心，特別是大啡菇切粒，再用煙肉捲起。又有自製薯角，薯仔肉厚身香口，而炒蛋、香腸都煎得火候剛好，令人驚喜是黑毛豬，起初以為普通火腿的外表，食落口感類似火雞片，肉味濃郁又有咬口。 ☕️ 抹茶鮮奶 + 鮮奶咖啡 (跟餐送)抹茶味濃，唔甜，有簡單拉花，抹茶控表示滿意；咖啡味道香濃唔苦，nutty味重而牛奶比例剛好，算不錯。