牛霸王

營業中

休息中

最近迷上左食漢堡扒，上網見到這間位於觀塘工廈內的漢堡扒好吸引，一直都知道觀塘工廈有好多美食，但之前都係食中餐同埋西餐為主，第一次在工廈內食偏日系風的料理. 舖位雖然位於工廈，但唔難搵，門口大大隻字寫住牛霸王，店內沒有花巧的裝修，走和式簡約暖色風格，令人感覺舒適. 餐牌設計簡而清，服務員也有細心介紹餐牌內容，例如不同醬汁是大概偏什麼味道.我哋最後選了招牌手打和牛漢堡蘭王蛋飯配秘制漢堡汁同日式泡菜及手打芝士安格斯漢堡蘭王蛋飯配白味噌汁同芥辣酸瓜，另跟餐加$5叫咗杯熱柚子蜜. 雖然餐牌寫住製作需時，要等10至20分鐘左右，但最後都唔使等咁耐就已經上得枱，兩款飯賣相也靚仔，橙紅色的蘭王蛋好吸睛，而兩種漢堡也各有特色，和牛漢堡肉質軟嫩、比較多汁、油脂感適中，配埋日式泡菜同帶點甜的秘制漢堡汁好夾. 至於芝士安格斯漢堡，油脂無咁多，肉質比較有咬口，牛味比較重. 兩款牛各有千秋. 至於我自己比較少見的白味噌汁，本身見到味噌這兩個字怕會唔會好鹹，但原來並不是這樣，而係顏色同味道都比較淡而又帶少少甜的味道，用佢來撈日本米連漢堡同蛋味濃郁的橙紅色蘭王蛋食，不論觀感口感也不錯，用蘭王生蛋撈飯真係冇得輸.服務方