小時光 (已結業)

小時光剛開業時都光顧了好幾次，隔左2-3年再來，雖然無以前咁熱鬧要排好耐隊先有位，反而閒適落黎先能夠慢慢回想台灣的味道。依舊的台灣校園工業風，擺設及台櫈都冇點變，但食客坐位都有少許空間，坐得較為舒服。點左意麵、牛肉麵、點多份滷水拼盤，加一杯水蜜桃梳打、蘋果梳打。台式意麵其實係滷肉撈麵，肉味香濃，有陣古早味，麵都好索汁，跟一碟滷水拼盤，有豬耳、海帶、雞翼、蘿蔔、滷蛋，滷得好入味。牛肉麵麵質似係手工麵，不過口感唔夠，有D削；牛肉量都幾多，同埋幾入味；反而牛似湯底唔夠濃!