翟道翟 Tuk Tuk (已結業)

細妹去學跳舞都會經過呢間泰國餐廳，成日都想試(梗係啦，無得飛去sawadee Ka )，唯有食吓當地菜止吓喝啦！今晚同老公去撐枱腳，嚟咗翟道翟。入到去已經聽到泰文歌，又有泰國節目播，裝修都好新淨，俾人感覺好渡假feel☺️我哋叫咗3餸1湯1甜品，每樣嘅份量都好多、大碟，搞到我地兩個食完要捧住肚咁走😝#冬陰功蝦湯 🥘 因為有大蝦熬製，湯底香濃鮮甜亦帶少辣，但容易入口。入面有大大舊菇同蕃茄仲有大蝦，好足料！價錢相當便宜($58)，一碗份量都夠2-3人飲。#泰小食拼盤 🥟🍤🫔有我至愛嘅炸物😍 炸蝦餅、炸雲吞、素春卷、蝦春卷、香茅雞翼等....每件都不油不膩，加埋甜酸醬食，愈食愈開胃。因為我少食澱粉質，所以老公叫左個 #生菜包🥬，一嚟到見到個單車擺盤放生菜真係夠心思😆生菜size十分fit，剛剛好可以裝兩匙肉碎，唔使食到失晒儀態😂 店員都細心咁問我要唔要少辣👍🏻果然好惹味！店員再推介個 #香茅炒老虎蝦🦐，好多香料炒而且每隻大蝦都切半，好方便食！泡過油嘅蝦係特別香口😋响香料入面竟然仲搵到腰果😝，每粒都炸到香脆可口，正！最後梗係要整返個甜品先走啦，呢個 #芒果糯米飯 上碟時仲暖笠笠，加埋香甜椰汁食，