頂好原味道1990 (中海日升中心) (已結業)

觀塘嘅中海日升中心向來都多嘢食，最近係地下又開多咗間台式滷水餐廳，價錢又唔係太貴，梗係要試吓啦😆！餐廳可以自由揀餸，又可以叫套餐，仲會包埋珍珠奶茶呢類台式飲品。當日叫咗個二人餐，包咗一碟滷水拼盤、兩份麵食、鹽酥雞、肉燥青菜同兩杯飲品，食到好飽。二人餐 $148滷水拼盤拼盤大碟，好多料，一共有六款餸，有甜不辣、黑輪、雞翼、百頁豆腐、豬耳同滷蛋，熱辣辣呈上☺️。餐廳嘅滷水唔會好鹹，帶有濃厚嘅麻油香味，相對上滷水顏色都唔深色，不過食物都滷得夠晒味😚。先講我最鍾意嘅百頁豆腐，彈牙又入味，好正；甜不辣煙煙韌韌，基本上都係食台灣嘢必叫😜；黑輪就好似魚蛋嘅質感；雞翼滷都好入味，炆得好冧；豬耳爽口；滷蛋都好夠味，見到佢連蛋黃蛋白都上到色，又唔會太鹹。手工香腸配鹽酥雞呢個鹽酥雞一嚟到就好香😍一睇就知香噴噴，仲好吸引！每一樣野上面都有好多紅色既、有少少辣既粉，味道十足👍🏻而且樣樣都炸得好脆卜卜，口感好正，仲唔佢炸到好乾。佢嘅手工香腸都好特別，甜甜地仲好juicy。另外仲有炸雞同菇，都好鬆脆好好味，可以試試佢😋肉燥關廟麵台灣手工麵一款，其實佢似係伴麵嘅質感，爽爽地，可以掛到啲肉燥汁，麵嘅粗度就似伊麵。肉燥有唔