頂好原味道1990 (中海日升中心) (已結業)

試左呢個增肌減脂組合$55🥰有得揀麵底同飯底。味道唔錯，仲包小食同嘢飲，超抵食！鹽酥雞綜合拼盤$48份量都唔少, 每款有3-4款, 2-3個人食就岩岩好。滷蛋肉燥腩肉雞翼飯$45比想像中有驚喜，不論肉燥, 腩肉定雞翼都滷到入曬味，肉質相當軟滑😋

旅行對於香港人嚟講仲係遙遙無期嘅事，講到以前嘅快閃旅行，一定非台灣莫屬，唔少人都鍾意襯weekend嚟個快閃～去台灣除咗行夜市同打邊爐，近年喺香港都有唔少台式店冒起，間間都足料抵食，而且好多間都係全日供應，今次就去左呢間，【頂好原味道1990】 真係好掛住台灣嘅野食，好想去台灣旅行呀🧳決定要去中海日升中心試下呢間睇落好簡潔嘅台式餐廳，呢間餐廳有好多台式地道美食同埋小食再加上台式嘅飲品 令到我覺得好似去咗台灣咁😆，而且呢度有一人套餐，所以自己一個人嚟食晏或者夜晚都唔怕尷尬。餐廳嘅裝修行簡約風格，木色牆身，木色嘅餐枱配上木凳，俾人嘅感覺好舒服好乾淨簡潔B餐關廟麵重口味組合(豬大腸、豬腩肉、豬皮、花干、白蘿蔔)$55煮食可以搭配，烏龍麵、關廟麵、蒸煮麵、王子麵、蒟蒻絲、珍珠飯吃一碗熱騰騰的麵，能暖胃也暖心。所以點了關廟麵，麵條口感剛好Q度十足，入面既餡都非常多款絕對有滿足感👍🏻👍🏻 豬大腸、豬腩肉、豬皮、花干、白蘿蔔。豬大腸：用心醬燒滷製入味，豬大腸吃起來味道也是非常的香，厚度都適中的。豬腩肉：油脂瘦肉層層相間分佈平均，口感十足又惹味豬皮：味道很香花干：最愛就是花干，大豆類製品，口感勁道爽口

午餐時間，中海日昇中心好旺場，有邊間唔駛等位?就係呢間啦，所以同同事膽粗粗入左黎試試，個午餐餐牌唔太吸引我地一行三人，三個人最終都係揀同一個，因為得呢個有啲啲吸引力係蔥油雞（手撕雞）飯，上枱個飯都幾巨，有嚇一嚇，蔥油份量好多，所以唔會有唔夠味呢個問題，有隻滷水蛋，幾OK，不過個問題原來係。。。出左係個白飯到，三碗都係，啲飯淋嘅程度係有啲驚人嘅，感覺係老人院比老人家無乜牙或者牙非常唔好嘅人食嘅飯不過呢間長期唔駛等位

好開心喺公司區域搵到間食台灣嘢嘅餐廳🤣🤩🤣今日同好朋友lunch🥳都係見佢門口張相就入去試吓！我叫咗碗滷蛋肉燥雞肶飯，我本身冇乜期望，因為見附近隔離台啲人冇人食緊飯😂😂😂點知一嚟到，我哇咗一聲！🤩🤣勁有誠意呀🤩🥳🤩🥳大大碗，隻雞髀斬件上！係漲卜卜㗎🤤🤤🤤肉燥汁又勁多，真係撈飯一流😋食吓食吓唔覺真係啪晒成碗😂😂雞髀好入味👍🏻雞肉都好嫩肉呀！完全唔嚡🤩好好味👍🏻隻滷蛋亦係入晒味😋😋推介👍🏻👍🏻👍🏻朋友叫咗碗蒸煮麵，可揀set好嘅餸🤩都好大碗呀！配料份量亦好豐富👍🏻🤩😋朋友揀咗個叫「增肌減脂組合」😂即係有雞絲、滷蛋、豆包、花椰菜、雞髀菇！超級豐富🤣🤣樣樣配料都夠晒味，好食👍🏻👍🏻👍🏻另外仲叫咗個拼盤小食🤩有鹽酥雞、手工香腸、百葉豆腐、甜不辣！又係都份量都幾多🤣🤣每款都係炸物，超邪惡但又好味，完全唔覺好油🤣👍🏻推介-滷蛋肉燥雞肶飯 $48 加$8 蜜香紅茶-自選麵餐-增肌減脂組合 $55 配黃金烏龍茶-鹽酥雞綜合拼盤 $48

台灣美食相當多，除了牛肉麵、珍珠奶茶、燒仙草等，還有滷水滷物。除了西環、上環有店外，觀塘也開了這間台灣過江龍的滷水店，待繁忙時間過了，沒那麼多人，才到訪一趟。餐牌有手工肉燥飯、小食、午市的滷水套餐，包含特色小食、主食及凍飲、下午茶、晚市套餐等；另外就是自選餸菜，形式就像港式車仔麵般，麵飯底、蔬菜類。任你滷點還是自選系列更適合個人口味，滷味款式相當多，達三十多款，台灣的地道配料如米血糕、竹輪百頁豆腐、甜不辣、滷雞蛋也有。滷水汁跟麵條拌勻，因滷水汁不太多，不會太重味或是油膩，恰到好處。而且熱食的滷水也蠻特別，藥材味更加突出。別小看好像不太大碗，但其實點了麵條及數款配菜，已經很豐富且滿滿的飽肚感。米血糕，入面由糯米混合而成，十分煙韌。素腰花很爽彈，滷水汁滲透腰花花紋之中的縫隙裡，也頗入味的。麵條方面，全部都是台灣的麵款，在香港很少見，亦少吃到。涼拌海帶絲額外點了一個涼拌前菜，麻辣帶點酸汁，沾上每一條海帶絲上，吃得很過癮。

觀塘一向多美食就大家都知，今日黎左位於日海昇中心既「頂好原味道」試台灣菜，地點方便就腳。由於去到已經係晚市時段，餐牌都有好多唔同套餐提供，最後二個人各自點左晚市套餐。台北夜市人氣組合：配料有甜不辣、雞翼、米算糕、百頁豆腐同金菇。我選擇左配台灣地道既關廟麵，加埋配菜，感覺真係好台式，而且每樣菜既味道都夠濃又唔太咸。五更長旺：特別要讚下鴨血同豬大腸，完全入味！鹽酥雞：套餐會包一個小食，推介鹽酥雞大大粒份量又多。另外套餐仲會附送二杯台式茶添！

今日同女朋友去觀塘區行街，行完街醫一醫肚，我哋去咗食呢間台灣滷味店。幾個月前已經幫襯過佢一次。今日再訪店，水準依然。呢到嘅晚市一人套餐幾抵食，我哋每人分別選一碗。一人套餐叫法係先選一碗滷味組合，選一款小食，再選一杯飲品，價錢只係$72。A. 台北夜市人氣組合($72)女朋友食呢碗台北夜市人氣組合，入面有甜不辣、雞中翼、米血糕、百頁豆腐、金針菇。百頁豆腐索晒汁，雞中翼滷得好入味，米血糕夠晒煙韌。E.五更長旺($72)上次已經想試不過冇試到，今次終於試到。呢一碗嘅麵底同配料係分開上，配料分別有麻辣鴨血、肥腸、豆腐同酸菜。呢四款配料都好適合用嚟做滷味，果然無令我失望！滷味配料 (滷蛋、高麗菜)額外加錢加咗滷蛋同高麗菜！跟餐嘅鹽酥雞跟餐嘅手工香腸再點多個招牌滷雞腿！兩個人食到飽晒！跟餐嘢飲，我哋揀咗蜜香紅茶、冬瓜茶。

🔸食台灣滷味最驚係死咸，但今次推介呢間係由台灣直送滷水，做到正宗風味唔會過咸😍鍾意台灣滷味嘅朋友唔好錯過😋🔸「任你滷點」有大量餸菜任選，我今次食咗豬大腸，豬耳，雞腎，貢丸，竹輪，大豆皮，素雞，豆干，金針菇，鮮冬菇。我有幾款我覺得真係必叫：✅豬大腸，豬耳：呢兩款做滷味基本上係唔會中伏🤤係睇下你本身鍾意唔鍾意食豬雜呢類。✅貢丸：而家喺香港有時會食到啲貢丸似豬肉丸多過貢丸，但呢間係好彈牙嘅款式，大愛💓✅大豆皮，金針菇，鮮冬菇：佢地都係吸晒啲滷水汁嘅精華，所以一入口就滷水汁大爆發，必點😎✅麻辣鴨血：另外呢碟麻辣鴨血一定要大力讚賞👍🏻👍🏻佢個調味做到好強烈嘅麻辣味，但又唔係真係辣，好有層次～以我唔係食好多鴨血嘅人嚟講，呢間係我食過最高質嘅🧐🔸鹽酥雞拼盤：有鹽酥雞，香腸，百頁豆腐，甜不辣😋鍾意佢個鹽酥雞唔係皮好硬嘅整法，比較Juicy😍而香腸同甜不辣都好有質素好地道😗🔸另外呢度跟食物叫台式飲品有優惠，飲咗烏龍茶同紅豆鮮奶茶都質素唔錯～其實如果你食跟飯果啲套餐，人均可能$40-$60已經有交易，所以好抵！我今次淨係食餸就人均$100，都係性價比高的😎

觀塘 工廠 區一向都有好多唔同特色嘅餐廳小店， 而且想食乜嘢菜式都有 ， 頂好原味道就係其中一間 台式小店，會搵到佢係因為佢主打菜「台灣滷水」 同埋所有材料 都係由有台灣運過黎，而且好食出名唔洗多講吧， 連辣椒油都係有台灣飛機直送過嚟！係啊， 餐廳雖然喺中海日升商場最埋嗰一間舖頭，無華麗裝修亦都無 優雅景色，但係 想念台灣美食 加上價錢又親民，識食既你總會識得去食。餐廳午餐有幾款已經present好嘅滷水套餐， 想食肉，有，想食齋，亦都有， 肉食愛好者當然亦有得選擇。 而且每款午市套餐 都可以揀飯面甚至 蒟蒻都得， 包埋嘢飲， 都係50多元起，抵食。台北夜市人氣組合材料多 ，甜不辣，雞翼，米血糕，百頁豆腐，金針菇， 有 滷得入味的雞肉，有彈牙百頁豆腐亦都有蔬菜， 鹵水味唔會過鹹， 配埋 卡路里低的 蒟蒻絲，抵食夠飽肚五更長旺材料有麻辣鴨血，豬大腸，百頁豆腐，高麗菜鍾意食濃味嘅可以叫呢個， 豬大腸啖啖肉， 高麗菜都好甜添。 叫烏龍麵掛晒汁 就連才有鹵水汁都唔會放過。除咗漏水 餐廳仲有滷肉飯， 想食飽啲當然要叫魯蛋肉燥雞髀飯， 雞脾夠大隻， 而且呢度啲滷肉都好鹹香惹味， 最重要係份量多，

假期去到觀塘工廈區覓食成日都會經過中海日升中心但完全唔知有呢一間台灣老字號嘅食鋪聽講話呢度嘅滷味好值得一試咁我就同男友係點咗個午市套餐套餐名叫做「台北夜市人氣組合」有金菇 甜不辣 椰菜 米血榚 雞翼仲有少少酸菜 香蔥 麻油味濃配一碗珍珠米飯Wow ~~~ 一食就諗起自己幾年前喺台中東海夜市街邊掃街天氣涼涼地咁食熱辣辣嘅滷味嗚嗚 而家去唔到旅行唯有喺香港食咁有台灣味嘅好西安慰自己吧呢度除咗滷味好食手工香腸都唔錯$15得四舊仔雖然少咗啲食落喺有意想不到嘅熱同辣！辣到立刻飲返啖凍無糖烏龍茶爽哂 ^_^我諗喺呢度附近嘅打工仔應該會成日走過嚟食價錢唔算太貴又夠飽呢

《平民滷味🤗》———————————————-#頂好原味道 🇹🇼-好掛住台灣街頭風味，早排喺觀塘收工，就嚟咗呢間台灣老字號，唔好睇佢喺平民商場裏邊，但絕對係台灣人氣品牌👍🏻佢嘅鹵水汁同辣椒油都由台灣飛機直送，十分高人氣，喺香港有成3間分店💕-滷水嘅選擇非常之多，而且經濟又實惠，每款都係十零蚊💰男朋友揀咗邪惡豬手粒🐷 超大粒，抵食🤣 另外再點咗豬腩肉、豆包同蒟蒻絲嚟配王子麵，麵質吸哂滷水汁，非常入味☺️-💪🏻 增肌減脂組合晚市套餐我就懶得揀，揀咗個健康之選，裏面包咗雞絲、滷水雞蛋、豆包、花椰菜同雞髀菇，配搭台式關廟麵～超推薦大家食豆包，口感極有層次🥰-🐣 鹽酥雞綜合拼盤裏面有手工香腸、百葉豆腐同甜不辣，夠晒足料～咁啱餐廳鹽酥雞售罄，就補咗幾隻雞翼比我哋，好有驚喜，煎得好香😝-⭐ 參考價錢︰豬手粒、豬腩肉、豆包、蒟蒻絲王子麵：$66增肌減脂組合晚市套餐： $72鹽酥雞綜合拼盤： $48珍珠鮮奶茶：+$15🍌 抵deal 指數：7/10💰 人均消費︰$100

位於中海日升，位置便利，係地下最盡頭。哩個增肌減脂套餐入面有: 西蘭花，滷蛋，雞絲，雞髀菇滷肉，份量唔多，反正我食唔飽，性價比麻麻，但入面嘅料味道唔錯，不過偏淡，重口味嘅朋友可能唔啱，包咗一杯嘢飲，我叫咗綠茶，唔好飲。

頂好原味道1990📍：觀塘駿業街56號中海日升中心地下L號舖🚗：觀塘地鐵B1出口 步行7分鐘📞：+852 3705-2487💲：~HKD60/head for lunchFood quality❌：台北夜市人氣組合、冬瓜茶總結：👍🏼除咗平平地之外都冇咩優點可言 但50蚊加飲品70蚊都唔係超平👎🏼唔好食但平心而論又未到難食 普普通通中下得嚟有一絲伏味👎🏼米血糕就真心難食 有陣酸宿味 一食即嘔出嚟🤢👎🏼漏單問題都幾嚴重 明明閒日午市都唔是好多人 叫咗6個餐但竟然落咗7個餐 好彩有睇咗先cancel 跟住又再發現漏咗1碟甜不辣😅👎🏼台式風味一啲都唔出 完全係港式扮台式 如果唔係打正旗號話係台灣風味應該冇咁嬲👎🏼性價比唔錯 但份量唔多 又有啲難食 所以算唔上抵食👎🏼再簡單講 冇下次☺️

掛住台灣嘅野食，所以收工約左朋友黎試這間台灣菜。餐廳始于1990年已經在台灣開業，有獨特滷味秘方，觀塘這間分店坐位闊落舒適。餐牌食物款式都多，價錢唔貴。滷味雞中翼$10有2隻，滷水汁入味，肉質嫩滑。鹽酥雞綜合拼盤 ($48) 拼盤份量適中，有鹽酥雞、甜不辣、百頁豆腐、手工香腸。鹽酥雞炸得香脆，百頁豆腐口感Q彈，香工香腸就煙韌有咬口，最鐘意係甜不辣，炸得脆口好味道。鹽酥綜合鮮蔬 ($32) 有香菇、杏鮑菇、青花椰菜、高麗菜。份量適中，杏鮑菇同椰菜唔會炸得太乾。朋友比較喜歡增肌減脂組合，組合有雞絲、滷蛋、豆包、花椰菜、雞腿菇，另加蒟蒻絲。汁唔會太濃，清清地好味道又夠飽。滷蛋肉燥雞髀飯 ($45) 大大碗，肉燥好濃味，有正宗台灣味道，配合白飯一齊食一流，雞髀都大隻，肉質軟滑，滷水汁入味，店員會將雞髀一分為二方便客人食。春陽烏龍都幾香茶味。總結這間餐廳的菜色多款，價錢便宜，性價比高，值得再試。

之前試過外賣自取A餐，覺得份量有啲少，今次堂食又覺得份量啱啱好。🍽食物：👉🏻E.五更長旺配王子麵 /無糖黃金烏龍 $58：王子麵配滷味真係好夾，因為啲麵幼可以索晒滷水汁，但係配麵嘅汁偏少，食落有啲乾。呢個餐係麵同餸分開上，可能因為唔想鴨血嘅汁同滷水汁撈埋。👎🏻餸有鴨血、豬大腸、百頁豆腐同高麗菜。鴨血好碎，好似係個鑊到已經筆到爛晒咁但係個汁唔夠濃味，鴨血索唔夠味偏淡豬大腸我淨係食咗一舊，因為頂唔順陣味😂💁🏼‍♀️服務：👎🏻店員落單同上菜都幾混亂，首先落多咗個餐同漏咗加配小食。因為啲餐個樣個個都差唔多，有啲店員上菜時冇講係咩餐就放低，都要花時間搞清楚邊個係自己嗌嘅。📝總評：5.5/10👉🏻價錢公道，份量合理👎🏻但係調味唔夠正宗，因為台灣滷味就係要食個種濃香，可惜做唔到。⏱冇限時