106
1
0
等級4
呢次係我第二次嚟板神食鐵板燒,之前聖誕食咗個一千蚊有找嘅二人鐵板燒套餐,性價比勁高(節日價喎),仲記得隻鮑魚郁下郁下添!有見及此,今次再嚟食,我就嗌另一個餐試下😜。餐廳設有多個包箱,私隱度高,無論情侶定一班人都好適合,而且更可以近距離望住師傅喺你面前煮,大飽口福眼福😆。由於朋友唔食鵝肝,所以我哋一人叫咗一份鐵板一人前($880/1位),另收加一!價錢唔平啊,無我之前食個餐咁抵,但食材唔同嘅🤭。前菜嘅醃漬有牛蒡、蘿蔔同用紅酒釀嘅蕎頭!最尾嗰款第一次食,無平日嘅蕎頭咁濃味,我本身仲以為係洋蔥添...🙊,問返個師傅先知究竟。時令沙律🥗,沙律菜上淋上柚子醋同搭配紅腰豆,味道正正常常啦,但我自己唔鍾意紅腰豆☹️。主角出場喇,就係活龍蝦同銀鱈魚。龍蝦真係超生猛,仲不斷反抗!龍蝦應該係劏咗無耐,所以當佢被放喺鐵板上燒嘅時候,啲腳都仲郁緊🙈。我哋見住師傅將隻龍蝦由生煎到熟,再拆肉。拆肉後會切開一粒粒,並用上龍蝦嘅膏同牛油煮,聞到超香😌。當上碟嘅時候,佢嘅造型已經唔係一隻龍蝦😂。龍蝦肉超爽超彈牙,個汁好香濃、惹味,如果有碗白飯就正,哈哈。龍蝦夠哂大隻,所以有好多肉,唔會唔夠喉。跟住就係🐟銀鱈魚,魚肉好滑,
更多
10 瀏覽
0 讚好
0 留言
呢次係我第二次嚟板神食鐵板燒,之前聖誕食咗個一千蚊有找嘅二人鐵板燒套餐,性價比勁高(節日價喎),仲記得隻鮑魚郁下郁下添!有見及此,今次再嚟食,我就嗌另一個餐試下😜。
8 瀏覽
0 讚好
0 留言
餐廳設有多個包箱,私隱度高,無論情侶定一班人都好適合,而且更可以近距離望住師傅喺你面前煮,大飽口福眼福😆。
184 瀏覽
0 讚好
0 留言
由於朋友唔食鵝肝,所以我哋一人叫咗一份鐵板一人前($880/1位),另收加一!價錢唔平啊,無我之前食個餐咁抵,但食材唔同嘅🤭。
16 瀏覽
0 讚好
0 留言
前菜嘅醃漬有牛蒡、蘿蔔同用紅酒釀嘅蕎頭!最尾嗰款第一次食,無平日嘅蕎頭咁濃味,我本身仲以為係洋蔥添...🙊,問返個師傅先知究竟。
15 瀏覽
0 讚好
0 留言
時令沙律🥗,沙律菜上淋上柚子醋同搭配紅腰豆,味道正正常常啦,但我自己唔鍾意紅腰豆☹️。
11 瀏覽
0 讚好
0 留言
主角出場喇,就係活龍蝦同銀鱈魚。龍蝦真係超生猛,仲不斷反抗!
6 瀏覽
0 讚好
0 留言
龍蝦應該係劏咗無耐,所以當佢被放喺鐵板上燒嘅時候,啲腳都仲郁緊🙈。我哋見住師傅將隻龍蝦由生煎到熟,再拆肉。
10 瀏覽
0 讚好
0 留言
拆肉後會切開一粒粒,並用上龍蝦嘅膏同牛油煮,聞到超香😌。
8 瀏覽
0 讚好
0 留言
當上碟嘅時候,佢嘅造型已經唔係一隻龍蝦😂。龍蝦肉超爽超彈牙,個汁好香濃、惹味,如果有碗白飯就正,哈哈。龍蝦夠哂大隻,所以有好多肉,唔會唔夠喉。
5 瀏覽
0 讚好
0 留言
跟住就係🐟銀鱈魚,魚肉好滑,油份好充足,都幾好食啊,但煎完覺得好似細件過未煮熟前咁。伴碟有條露筍、冬菇同紅椒。
4 瀏覽
0 讚好
0 留言
A5日本宮崎和牛薄燒(2卷),兩片薄和牛片好大塊,脂肪分佈勁靚。我喺到諗如果塊牛肉有五至六片咁厚,變成牛扒,煎嚟食就不得了🤤。
3 瀏覽
0 讚好
0 留言
師傅有問我哋要幾成熟,我哋都係要五成,所以其實好快就食得,牛肉入面夾雜大量蒜片同蔥。我相信我只會喺呢個時間食蔥😅。
3 瀏覽
0 讚好
0 留言
和牛薄燒完成✅,放咗喺片麵包上面。師傅提我哋麵包係用嚟索油,叫我哋唔好食,哈哈。和牛入口即化,好鬼多汁,好正。
2 瀏覽
0 讚好
0 留言
和牛炒飯,呢個係緊接住和牛薄燒嘅下一道菜,見住師傅落咗好多蔥同蔬菜粒去炒飯🥕。
5 瀏覽
0 讚好
0 留言
炒飯個碗仔雖然唔大,但個量其實都唔少。🍚飯粒炒得夠乾身,味道都ok,但就無乜和牛粒...。
3 瀏覽
0 讚好
0 留言
最後就係個湯🥣,煮返熟個龍蝦頭,有少許肉同膏食。不過個湯就無咩蝦味,係普通麵豉湯,應該純粹係用熱湯浸住個蝦頭咁解。
1 瀏覽
0 讚好
0 留言
食完鹹食,就到甜品喇!首先出場嘅係焦糖多士🍞拼綠茶蕨餅,多士甜甜的、薄薄的唔錯,但如果脆啲會更正。至於蕨餅嘅口感同平日唔同,比較似啫喱,唔係好煙韌嗰種。
1 瀏覽
0 讚好
0 留言
雪糕🍨有六種口味揀,我哋揀咗抹茶味同芝麻味,兩者都幾濃。
6 瀏覽
0 讚好
0 留言
呢一餐好豐富,加上菜式慢慢逐一咁上,我食完飽哂;不過大食嘅男仔就可能爭少少🤣。
4 瀏覽
0 讚好
0 留言
店員服務好好,好有禮貌,期間不停為我哋加茶🍵。而且我仲發現茶由一開始嘅綠茶,喺某道菜之後變成培茶,幫助解膩,勁細心👍。另外,埋單時店員問我哋啱唔啱食,佢聽見我朋友講開唔食鵝肝,話下次其實都可以同師傅講有乜唔食,安排轉其他菜式。
156 瀏覽
0 讚好
0 留言
總括嚟講,呢間鐵板燒相當出色,採用嘅食材非常新鮮,推介啊!今次因為食龍蝦就貴啲,但如果嗌返我上次食個二人餐,性價比高好多!我無諗過喺觀塘區都有咁高質素嘅鐵板燒料理店😋。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-02-06
用餐途徑
堂食
人均消費
$968 (晚餐)
推介美食
  • 活龍蝦
  • A5日本宮崎和牛薄燒