Four O Five Coffee & Eatery

營業中

休息中

男朋友一向都好鍾意食疏乎厘班戟，今日我地近近地就選址左觀塘呢一間人氣Cafe，佢哋除咗食物水準有驚喜之外，份量亦都好大份。牛油果🥑香草醬野菌意大利粉🍝牛油果打成醬汁再mix淡淡的香草🌿 醬，口感濃郁Creamy，每條意粉都好掛滿醬汁。酥炸海苔魷魚配青芥末沙律醬魷魚炸得酥脆，帶有淡淡海苔調味粉，配埋WASABI沙律醬平衡返油膩感，但唔會哽喉。明太子炸薯條🍟薯條熱辣辣好香脆配埋Creamy嘅鹹鮮明太子醬，超級好味。三重奏薄荷朱古力沙冰朱古力沙冰+朱古力醬配朱古力碎，超級香濃美味，薄荷味出，但又不會搶過朱古力味，極配。鹹檸柚子沙冰柚子嘅清香，又有鹹檸嘅酸甜，超Fresh，夏天必點。吉士焦糖疏乎厘班戟疏乎厘班戟本身已經蛋香味好濃郁，空氣感十足，再配埋吉士令蛋味更加香濃香滑，甜度適中，面層焦糖加爆谷脆卜卜，內層軟綿綿，每一口帶有雙重口感。