影片
更多
2021-07-11
24 瀏覽
觀塘想食穩陣的雞煲火鍋，推介呢間。首先，座位舒適，卡位仲有哥基伴食，四人坐都好闊落。晚市，有兩款任食套餐可以選擇，豐儉由人。菜式亦清楚列明，黑色項目只出一次，紅色就無限追加。我地揀左 $318 套餐，咁就可以試曬佢D靚野啦！首先是菜膽扣鮮鮑魚，每人一隻，鮑魚煮得好入味，鮮味又彈牙，好好食😋辣雞煲最怕有D雞煲切到D雞碎濕濕，骨多過肉。呢間唔錯，雞件切得幾大件，食落有口感，而且入味。雞煲可選大中小辣，加上配料多多，炒起上嚟好香好惹味。當然仲有包雞煲三寶 - 魷魚、豬皮、牛柏葉，全部都係無限追加，食到夠為止刺身拼盤五色刺身，用料都幾新鮮，尤其係刺身蝦同帶子，均在水準之上。可惜冇得 encore , 每款少少止吓渴。食完頭盤、雞煲同刺身，即刻變陣食火鍋啦，都幾豐富，逐一介紹吓。火鍋海鮮拼盤有多款海鮮的拼盤，當中最吸睛當然係又肥美又大隻的蟶子同元貝。鮮甜又爽口，食一隻都已經好滿足。其餘仲有大蝦、龍躉片、生蠔同大蜆，每款少少都幾多種類。手切牛肩頸打邊爐一定要有牛頸脊，呢個部份肉質鮮嫩得來又有牛味，厚薄適中有口感。雖然只出一 round ，但份量都足夠，唔會到喉唔到肺。除咗牛肉之外，當然亦唔少得五寶
觀塘想食穩陣的雞煲火鍋，推介呢間。首先，座位舒適，卡位仲有哥基伴食，四人坐都好闊落。
晚市，有兩款任食套餐可以選擇，豐儉由人。菜式亦清楚列明，黑色項目只出一次，紅色就無限追加。
我地揀左 $318 套餐，咁就可以試曬佢D靚野啦！
首先是菜膽扣鮮鮑魚，每人一隻，鮑魚煮得好入味，鮮味又彈牙，好好食😋
辣雞煲
最怕有D雞煲切到D雞碎濕濕，骨多過肉。呢間唔錯，雞件切得幾大件，食落有口感，而且入味。
雞煲可選大中小辣，加上配料多多，炒起上嚟好香好惹味。當然仲有包雞煲三寶 - 魷魚、豬皮、牛柏葉，全部都係無限追加，食到夠為止
刺身拼盤
五色刺身，用料都幾新鮮，尤其係刺身蝦同帶子，均在水準之上。可惜冇得 encore , 每款少少止吓渴。
食完頭盤、雞煲同刺身，即刻變陣食火鍋啦，都幾豐富，逐一介紹吓。
火鍋海鮮拼盤
有多款海鮮的拼盤，當中最吸睛當然係又肥美又大隻的蟶子同元貝。鮮甜又爽口，食一隻都已經好滿足。
其餘仲有大蝦、龍躉片、生蠔同大蜆，每款少少都幾多種類。
手切牛肩頸
打邊爐一定要有牛頸脊，呢個部份肉質鮮嫩得來又有牛味，厚薄適中有口感。雖然只出一 round ，但份量都足夠，唔會到喉唔到肺。
除咗牛肉之外，當然亦唔少得五寶丸及三色餃，種類繁多。
另外亦有鴨紅及西班牙黑豚肉，食得出係靚野嚟，任食架！
蔬菜盤放在自取區，各款蔬菜都有，幾新鮮，可任食。
蔬菜盤區，一盤盤放到好似盆栽咁，好有心思，見到都開心。
埋單每人三百幾，多野食，食物質素高，座位又舒服，會回頭。
張貼
