影片
更多
2023-11-10
77 瀏覽
近期愛上食串燒，朋友知道後大力推介一間位於觀塘通明街食串燒及網燒放題"串燒屋"叫我去試下。店鋪位置雖然較為偏僻，但食物質素卻喜出望外，絕對係性價比高。放題任飲任食2個半鐘，時間非常充足，QRcode落單快捷方便。我哋雖然4人，但店員服務態度非常細心，安排我哋坐6人枱，可以有位放袋之餘，自轉燒烤爐又大啲，可以燒多啲食物，真係坐得自在燒得輕鬆🤣食物眾多選擇，海鮮有蒜蓉生蠔，蒜蓉青口，生蠔新鮮，蒜蓉鋪滿面，燒後香氣撲鼻。仲有海蝦，爽口鮮甜。其他串燒類食物就有多春魚，牛丸，貢丸，龍蝦丸，魚角，炸魚旦，芝士狗卷，一口甜薯，紅腸....應有盡有。肉類都唔少，有牛，雞，豬肉串，厚切牛舌，牛仔骨，一口牛肉粒，黑毛豬五花腩，肉質夠鮮嫩多汁。想健康啲可以食多啲菜，有蒜蓉茄子，牛油栗米又香又甜，牛油什菌，仲有我鐘意嘅葵秋。炸物類方面，就至愛佢個炸雙皮奶，外面又熱又脆，裡面煙煙韌韌。仲有吉列炸蝦及炸蠔都炸得恰到好處。甜品及飲品都同樣多款式，有啫喱，雪糕，一口泡芙....非常滿足
放題任飲任食2個半鐘，時間非常充足，QRcode落單快捷方便。我哋雖然4人，但店員服務態度非常細心，安排我哋坐6人枱，可以有位放袋之餘，自轉燒烤爐又大啲，可以燒多啲食物，真係坐得自在燒得輕鬆🤣
食物眾多選擇，海鮮有蒜蓉生蠔，蒜蓉青口，生蠔新鮮，蒜蓉鋪滿面，燒後香氣撲鼻。仲有海蝦，爽口鮮甜。
其他串燒類食物就有多春魚，牛丸，貢丸，龍蝦丸，魚角，炸魚旦，芝士狗卷，一口甜薯，紅腸....應有盡有。
肉類都唔少，有牛，雞，豬肉串，厚切牛舌，牛仔骨，一口牛肉粒，黑毛豬五花腩，肉質夠鮮嫩多汁。
想健康啲可以食多啲菜，有蒜蓉茄子，牛油栗米又香又甜，牛油什菌，仲有我鐘意嘅葵秋。
炸物類方面，就至愛佢個炸雙皮奶，外面又熱又脆，裡面煙煙韌韌。仲有吉列炸蝦及炸蠔都炸得恰到好處。
甜品及飲品都同樣多款式，有啫喱，雪糕，一口泡芙....非常滿足
張貼
