387
13
13
港鐵牛頭角站 A 出口, 步行約8分鐘 繼續閱讀
所有分店 (1)
電話號碼
23630999
97273343
營業時間
今日營業
18:00 - 23:00
星期一至日
18:00 - 23:00
付款方式
AlipayHK 支付寶 現金
座位數目
45
其他資料
Wi-Fi
酒精飲品
自帶酒水 詳細介紹
加一服務費
電視播放
球賽直播
當面支付
以上資料只供參考, 請與餐廳確認詳情
食評 (434)
等級4 2024-05-25
422 瀏覽
今次我哋嚟到觀塘搵嘢食😝,我哋揀返呢間夠晒抵玩嘅燒烤舖🔥!呢度每人放題都係$198起💰,已經包晒唔同嘅串燒、網燒、小食、炸物、啤酒🥰、涼茶、雪糕等等!一路飲住酒🍻,一路食惹味串燒,夠晒盡興。.🐮牛肉有得自動轉轉咁樣串住燒,或者放喺燒烤網上面燒都得😆。美國穀飼牛肋條牛味唔錯🥩,而且會自轉嘅串燒爐,火候真係夠晒均勻🔥!黑椒牛仔骨切成一片片,配埋重黑椒調味🧂,夠晒香口,用網燒嘅方法更加香。.🐷豬肉蜜汁叉燒豬柳味道甜甜香香👅,又有油脂香味,幾好食。泰式豬頸肉調味真心正,泰式嘅香料酸香味道🌿,又唔會過辣,夠晒開胃。.🐔雞爽口雞腎真係要不停encore💕,切到大大片,夠晒口感,鍾意食雞腎嘅朋友唔好錯過🫦!放喺網上面燒到爽脆,配埋燒烤粉,好滿足✌🏻。當然唔少得要燒埋雞翼,奧爾良雞翼燒出嚟好香🐥。.🌊海鮮呢度仲有好多唔同款嘅海鮮揀🤩!海蝦燒出嚟嘅甲殼香味真係好誘人🦐。多春魚平時都好難燒得靚😎,用轉轉嘅方法燒到好均勻,外皮香,裏面魚春熟嘅程度啱啱好。蒜蓉烤蠔超級重鮮味🌊,放喺網上面睇住佢燒到滾出氣泡真係好吸引。.🔥小食蒜蓉烤茄子大大條,夠晒口感🍆,而且蒜蓉味道超級濃郁🧄。當然唔少得雞肉腸、龍蝦丸、牛筋丸、花枝丸等等嘅燒烤必備☄️,配埋孜然燒烤粉,幾香口。各式炸物都炸到超級酥脆、熱辣辣💥,炸蠔、炸鮮奶、榴槤波波都好吸引。最後梗係要燒埋棉花糖🍭,有咗轉轉串燒爐,零失敗! 繼續閱讀
(以上食評乃用戶個人意見 , 並不代表OpenRice之觀點。)
介紹返💁🏻‍♀️。。🇭🇰 串燒放題 在觀塘 🇭🇰。串燒屋 BBQ House。通明街54號地舖。串燒放題星期一至四 1700 ~ 1900 及 2100後。HKD198 + 10%1900 ~ 2130。HKD248 + 10%星期五至日 及 公眾假期前夕 1700 ~ 1900 及 2100後。HKD218 + 10%1900 ~ 2130。HKD268 + 10%串燒牛肋條。牛西冷。厚切牛舌。蜜汁叉燒豬柳。泰式豬頸肉。海蝦。多春魚。魚片頭。雞肉腸。芝士腸。迷你豆卜。魚蛋。芝士獅子狗。龍蝦丸。貢丸。雞腿肉。牛筋丸。花枝丸。紅腸網燒雞腎。牛仔骨。厚燒玉子。蒜蓉烤蠔。蒜蓉烤青口。蒜蓉烤茄子。原條秋刀魚。一口牛。安格斯牛肩肉。豬五花肉。漢堡扒。午餐肉。蟹柳。雞中翼。鯖魚。香草羊架炸物薯條。吉列生蠔。魷魚圈。吉列墨魚角。吉列蝦。唐揚雞塊。蝦餅。魚餅。棒棒餃子。香芋地瓜丸。脆皮香蕉。榴槤波波。芝麻波波。蠔油生菜。清酒煮蜆。炸雙皮奶。椰汁流心球。串炸鵪鶉蛋。可樂餅。芝士蝦球。芝士魚條🤫 繼續接龍遊戲..尋日出咗觀塘有我嘅「童年回憶」白咖喱豬扒飯..今日接返個地點「觀塘」先.. 要介紹嘅係之前已經食過一次..啱啱又翻兜咗次嘅「觀塘」串燒屋🍢🤫 我想話呢..自從上次帶過小飯腳嚟串燒屋之後..佢好似愛上咗哩度🤔我都話我今次係第二次嚟食..但係飯腳竟然已經食咗第五次啦😮佢真係次次同同事飯聚或者朋友生日..人哋冇乜Idea就會帶人哋嚟哩度😅真係痴咗線🤫 位於民居位置嘅串燒屋勁有住家Feel..樓面老闆一人擔當多個角色..送嘢食清理枱面係佢..收銀係佢Refill都係佢..雖然佢咁忙但你又唔會覺得佢招呼唔到..仲會時不時提醒我哋啲丸再轉落去會燶啦🤣等等..有啲窩心🤭🤫 上次貪壯觀場面..癲咗咁樣樣串燒都叫一雙..不過今次醒啦~有咗上次嘅經驗..一開波我哋就叫自己鍾意食嘅嘢..個人覺得串串嚟講必要叫嘅係迷你豆腐卜同埋魚片頭..呢兩樣都可以越燒越脆口..豆腐卜燒到最乾身嘅時候放入口真係會一咬落去碎開晒好似薯片咁☺️至於魚片頭燒到咁上下變得外脆內軟真係越食越想食🤤🤫 另外我哋會瘋狂Encore嘅串燒當然唔少得海蝦串燒同花枝丸串燒啦..海蝦隻隻有返咁上下大細..燒完啖啖肉..花枝丸質素本身就夠好..燒香咗入口一流🤫 望住啲串燒喺個爐上邊轉吓轉吓成件事真係好鬼療癒之餘..因為個爐嘅火力十足令到我哋好輕易就可以燒得一手好菜式..到今次第二次食都仲係覺得好Amazing..究竟邊個咁聰明發明哩種自轉串燒爐㗎呢~🤫 肉類串燒..飯腳仔最鍾意食嘅係蜜汁叉燒同雞髀肉..佢話欣賞個叉燒蜜汁入味甜度適中..叉燒仲要係半肥瘦..再加上自轉嘅串燒令到叉燒燒得非常均勻兼帶有些少脆口..然後雞髀肉估唔到肥美Juicy..唔使點啲咩汁都夠好味👍🏻🤫 網燒方面其實都真係幾多選項可以揀..但係我哋目標為本..主打食佢哋嘅牛肩肉..薄薄一片前後焫五六下就食得..然後今次仲試咗佢哋嘅漢堡扒同埋蒜蓉青口..青口都幾好味..但係漢堡扒就略嫌粉咗少少🤫 煮物炸物方面..今次醒啦~冇再亂咁嗌咁熱氣嘅嘢食..主要都係翻兜再翻兜清酒煮蜆..雖然啲蜆唔係話好大隻..不過勝在每次都俾得份量多..而且都吐沙吐得幾好同埋清酒味都香..然後今次仲試咗佢哋個日式棒棒餃子..感覺似係用氣炸鍋整嘅..相對唔會太油膩亦都保持到脆口兼且入邊嘅菜肉餡料Juicy🤫 哎~仲有..雪櫃自取嘅冷盤同埋蔬菜類都好受歡迎..凍嘅腐皮麻醬豆腐同埋爽口微辣嘅酸蘿蔔我都食咗兩三兜..而不得不提嘅就係呢度嘅錫紙燒粟米粒粒真係幾好食..雖然燒呢個粟米粒粒需時比較長些少..但係入邊嘅甜味牛油各樣都已經一早調好..一㨴開就香氣撲鼻..我哋兩個都覺得呢個係必食嘅🤫 最後順便講埋佢哋啲嘢飲..普通嘅可樂雪碧等等汽水都一定有㗎啦..然後佢哋有自己沖製嘅幾種唔同嘅茶飲..飯腳仔最鍾意飲佢哋呢度嘅菊花蜜..甜度適中而且感覺好似好清熱氣..次次嚟都飲返一兩Jar先走🤭而我自己就鍾意飲佢嗰啲無糖烏龍茶..茶膽好夠濃..飲落好醒神..仲覺得可以消滯添..除咗以上兩個飲品..佢哋仲有鴨屎檸檬茶薏米檸檬水..羅漢果茶同埋洛神花..普通放題都冇佢哋咁有心機自己整..而且無論星期幾嚟都好..每人都係三百有找可以落樓..真心價廉物美~。。翻兜指數:🙆🏻‍♀️🙆🏻‍♀️🙆🏻‍♀️ (5個🙆🏻‍♀️為翻兜爆燈)💮已翻兜次數:2次💮。。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-20
1106 瀏覽
想燒嘢食又唔想喐,最好就係嚟串燒屋有串燒及網燒放題2.5小時$248+10%無限暢飲任食,掃個 QR code簡單又方便!食物款式都應有盡有(肉類、海鮮、丸類、炸物等…)即叫好快就上枱,服務了得自助雪櫃各式小食、涼拌、水果及甜品衛生度5⭐️⭐️全部蓋好獨立一杯杯😍甜品雪糕🍦、啫喱、燒棉花糖及泡芙👉🏻除咗串燒之外,都有唔少極上網燒食品烤大蠔、牛肩甲、秋刀魚、黑毛豬五花、麻辣雞腎、一口牛、香草羊架等。⭐️特別推介以下小食、串燒及網燒⭐️👍🏻酸蘿蔔、涼拌青瓜:開胃菜食到停唔到口👍🏻提子:選用咗波子提,大大粒爽脆清甜👍🏻雞翼:三口味,最吸引我哋係麻辣同奧爾良雞翼!雞皮燒到香脆,醃得入味嫩滑肉質👍🏻一口牛:牛味香濃,加少少鹽調味,非常Juice👍🏻芝士獅子狗:流心芝士濃郁非常,口感彈彈好滋味👍🏻香草羊架:一條幼骨嘅羊架,肉嫩香噴噴,加啲孜然粉更有新疆風味🥤飲品方面除咗汽水、啤酒及梳打之外😍更有自家製涼茶薏米水、洛神花山楂茶、菊花茶等…飲多幾杯降火一流 繼續閱讀
(以上食評乃用戶個人意見 , 並不代表OpenRice之觀點。)
小編比較懶,想食串燒但又覺得要自己慢慢燒🔥比較耐同麻煩,所以用呢種形式就啱晒我😌 只要將啲串左野食既鐵籤放喺烤爐既齒輪⚙️上面,部機就會慢慢轉動鐵籤,等食物可以均勻受熱咁燒熟,能夠自動燒肉🔥 幾方便同好挽🤤 野食方面選擇好多,仲有自家製小食、飲品同甜品可以試,全部都係任食ga😜 醬料就有椒鹽、孜然粉、海鹽🧂、辣粉🌶️、燒汁🔥可以自由搭配,都幾抵食~(5 😍 係滿分,🤩係半分)2.5小時任飲任食 - $248 (好味指數:😍😍😍😍)加拿大多春魚 🇨🇦🐟唔會好細條,脹卜卜咁,燒到🔥酥脆可口,味道鮮美,有種獨特濃厚既香味,仲有卜卜脆既魚籽🟡幾正🤤黃金魚片頭 🐟啲魚片頭🐟彈牙有鹹香,味道會濃郁過普通魚蛋,幾鮮味又唔會腥,唔會一味依賴粉漿台灣一口腸皮脆肉香,裡面真係用左唔少豬肉🐷,豬味🐷濃郁香口,味道甘甜,裡面仲有一粒粒爽口既脂肪,但又唔會好漏,一咬開仲爆汁😋迷你豆卜啲豆卜脹卜卜咁,第一次食脆口既豆卜感覺幾得意,入面幾有咬口,同埋豆香更加出tim美國穀飼牛肋條 🇺🇸🐮🍖有幾多脂肪,所以燒起🔥油香幾重,都算肥瘦適中,燒完🔥肉質依然香滑軟腍,仲帶有少少彈性tim,牛味幾香濃都唔錯~美國穀飼牛西冷 🇺🇸🥩係牛🐮既後腰脊,運動量比較少,所以肉質鮮嫩同有咬口,有幾香既牛味🐮厚切牛舌 🐮👅彈牙爽脆唔會韌,有幾香既油脂味,夠juicy 又有幾香濃既牛味🐮~蜜汁叉燒豬柳 🔥🍯🐷用左蜜汁🍯做調味感覺會滋潤啲,同埋有啲似叉燒🔥🐷既味道😂 肥瘦適中,有油香同埋豬味🐷幾重~爽口雞腎 🐥口感質韌脆嫩,食落香口惹味,唔會有內臟既怪味厚燒玉子 🔥🥚質感濕潤厚實,綿密滑順,有幾清香既蛋味🥚 如果再嫩滑啲就更加好蒜蓉烤蠔 🧄🔥🦪蒜蓉🧄真係其中一種最好既天然調味料,放喺啲蠔🦪上面再攞去焗真係惹味有鹹香,仲可以帶出蠔🦪既鮮味tim~ 啲蠔🦪幾肥美飽滿,烤熟左之後都唔會縮水,味道濃厚鮮美,口感creamy綿滑,感覺唔錯~蒜蓉烤青口 🧄🔥🦪青口🦪一樣用左既蒜蓉🧄黎調味,一樣惹味有鹹香~熊本一口牛 🐮🟫呢個一口牛🐮係用左鮮嫩既部位切方塊🟫,難得既係一啲都唔韌,質感嫩滑鬆化同juicy,有幾香濃既牛味🐮,同埋切到啱啱好係一口size方便食~安格斯牛肩肉 🐮 肩胛部係牛🐮經常運動既部位,所以筋肉會比較發達,肉質結實,同時肥瘦適中,切得比較薄都依然有咬口~西班牙黑毛豬五花肉 🇪🇸🐷夠晒肥美,燒起🔥有幾重既油香但唔會漏,口感溫潤醇厚,加上黑毛豬🐷係食橡果🌰既,所以更加香口juicy~美國牛仔骨 🇺🇸🐮🍖 啲牛仔骨🐮🍖肉質柔嫩,肉味幾濃厚同多汁,有幾豐富細緻既油脂,分佈均勻,燒完🔥更加甘香可口~原味雞中翼 🐥🪽幾飽滿多肉,燒完都仲係脹卜卜咁,裡面肉質細緻嫩滑,幾香口惹味同juicy~ 蠔油生菜 🦪🥬啲生菜🥬幾新鮮同埋有揀過,唔會有鐵鏽色,上枱既時候仲係翠綠既,清新爽口,配埋鮮味有鹹香既蠔油🦪,係好食既標準配搭~清酒煮蜆 🍶🦪啲蜆🦪既份量幾多,洗得幾乾淨,唔會有沙~ 雖然比較細隻,但都幾鮮甜多汁,個湯🥣望落幾清澈,有淡淡既清酒🍶清香,可以癖腥同提鮮~榴蓮波波 🟡個榴蓮波波🟡既炸皮唔會過厚,質感酥脆,上枱既時候仲係暖暖地,一咬開已經感受到榴蓮芳香誘人既香味,個醬質地creamy,又唔會漏~小食:芝麻醬沙律🥗味付螺肉🐚呢個可以自己係喺雪櫃攞既小食~ 螺肉🐚係經典既日式小食,惹味清爽,口感爽口清甜豆皮豆皮係另一個可以自己攞既小食~ 味道香甜,有淡淡既豆既清香,感覺幾清爽~飲品&甜品有薏米檸檬水🍋💧、洛神花山楂茶🌺、涼茶☕️、烏龍茶☕️,同各式汽水🥤、啤酒🍺任君選擇,喺食完串燒🍢之後可以清熱降火🔥 甜品就有啫喱🍮同泡芙好味指數:😍😍😍😍推介指數:😍😍😍😍 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-08
1044 瀏覽
就黎過年,襯敏仔放左學年假開始,去食個放題開心下先,而我今次就揀左食串燒屋,佢都算係元祖級自轉串燒既放題餐廳啦,我d 九龍朋友都推介呢間,就去試下啦💪黎到餐廳,係地鋪黎既,全部都卡位唔搭枱,我地2個都好好彩安排左去4人卡位,而2邊都放有電視可以睇下。枱上面更有各式各樣嘅調味料,如孜然粉、海鹽、椒鹽粉、燒汁同辣粉。自轉串燒:牛肋肉- 肉質又幾淋無筋豬頸肉- 啖啖肉又香,呢款我鐘意雞腿肉- 肉質爽滑唔淋,好食ga牛舌- 正常發揮芝心竹輪- 敏仔最愛,大大粒芝士喺中間迷你豆卜- 燒到好脆好正🤤棉花糖- 敏仔好鐘意😂牛油蒜蓉麵包- 佢攞左4次黎食網燒食物:麻辣雞翼- 都幾辣下,但幾惹味麻辣雞腎- 好爽,但同樣辣度十足日式漢堡扒- 敏仔話好味蟹柳- 正常啦蒜蓉蠔- 蒜蓉好香好惹味,蠔正常creamy 既蒜蓉青口- 有咬口但夠大隻自助食物:Jelly- 係羅拔臣嘅,正常口味提子- 清甜無核醃酸蘿蔔- 好爽脆,食完肉中和下係幾好什錦沙律:胡麻醬嘅粟米車厘茄生菜沙律,幾Fresh炸物:香蕉糕- 呢個麻麻地雞軟骨- 好食,我同敏仔喪食,一份都幾多芋頭丸- 甜甜地有芋泥喺入邊,我都鍾意呢個炸鮮奶- 外層炸得酥脆嘅麵包包住牛奶凍食評總結:如果唔係食量少嘅話,真係可以食好多,因為串燒嘅肉醃得啱啱好,肉質都好嫩滑,餐廳好貼心有埋一系列既涼茶飲,而且服務都好好,有種家既感覺😆 繼續閱讀
(以上食評乃用戶個人意見 , 並不代表OpenRice之觀點。)