影片
更多
2016-06-11
307 瀏覽
呢日同朋友來到一間有趣的餐廳 係一間分子料理店 以前只係食過分子雪糕 估唔到仲有咁多花款踏入餐廳 驚覺原來無位坐 但就有啲勾畀你掛住袋同衣物 店員賣了個關子 到食哂咁多道菜先解釋因由... 小妹一於照板煮碗！先講今餐食乞乜～～～餐牌上有六道菜 前五道可以話係前菜 所以唔洗驚 最後一味煲仔飯包你食飽飽 XD 佢哋只有set menu 並且不時會推出新口味 所以menu都會成日update來幫襯最好預先book位 一來地方有限啦 二來店員係即席「表演」烹調過程 大概一小時一「場」 原價$230 如果book 6-7pm 頭6位有得平$60！好彩小妹book咗6pm ^^由於啲食物好精緻 要用佢哋特製嘅餐具第一道菜係「哈蜜瓜分子晶球 配 西班牙黑毛豬火腿」 店員將哈蜜瓜蓉放入calcium water 就變成了水晶球（啊～原來所謂分子料理就係用chem嘅原理整嘢食～～）再浸一浸清水沖走calcium的味道最後 用一塊45個月純種橡果西班牙黑毛豬火腿墊底 隻豬係佢由出世到畀人劏只係食過橡果 因為要控制佢嘅脂肪比例... 店員提醒 食嘅時候要一啖放入口 唔好咬 否則舊水晶球會散 第二道菜係「
踏入餐廳 驚覺原來無位坐 但就有啲勾畀你掛住袋同衣物 店員賣了個關子 到食哂咁多道菜先解釋因由... 小妹一於照板煮碗！先講今餐食乞乜～～～
餐牌上有六道菜 前五道可以話係前菜 所以唔洗驚 最後一味煲仔飯包你食飽飽 XD 佢哋只有set menu 並且不時會推出新口味 所以menu都會成日update來幫襯最好預先book位 一來地方有限啦 二來店員係即席「表演」烹調過程 大概一小時一「場」 原價$230 如果book 6-7pm 頭6位有得平$60！好彩小妹book咗6pm ^^
由於啲食物好精緻 要用佢哋特製嘅餐具
第一道菜係「哈蜜瓜分子晶球 配 西班牙黑毛豬火腿」 店員將哈蜜瓜蓉放入calcium water 就變成了水晶球（啊～原來所謂分子料理就係用chem嘅原理整嘢食～～）再浸一浸清水沖走calcium的味道
最後 用一塊45個月純種橡果西班牙黑毛豬火腿墊底 隻豬係佢由出世到畀人劏只係食過橡果 因為要控制佢嘅脂肪比例... 店員提醒 食嘅時候要一啖放入口 唔好咬 否則舊水晶球會散
第二道菜係「櫻花蝦肉鬆雲吞 配 日式高湯」 湯用柴魚絲同海帶煮成 原來唔係直接放入水煲...
呢舊「雲吞」係可食用嘅膠袋 即係同大白兔糖塊紙有少少似嘅嘢... 店員話 好多人都問係咪放入湯食 XD 其實唔係 因為遇濕遇熱就會溶.... 有個湯純粹費事齋食膠袋太口乾～～
第三道菜係「西班牙凍冰脆」 用了負-198度嘅液態氮將柚子mousse變成一塊塊餅乾之類嘅物體
把脆餅篤碎 用來當調味粉食以下嘅鯖魚刺身～～～不過要快食 因為又係濕就好快溶
第四道菜係「龍蝦慕斯 配 魚子醬、椰菜花」 龍蝦肉經過乳化作用 由團狀變成半固體... 佢唔完全係mousse 有少少泡狀
椰菜花係禦篤到碎哂嘅 喺杯底 攪勻佢食 會食到mousse裡面有爽口嘅粒粒
第五道 「特級初榨橄欖油慢煮三文魚 配 檸檬、橄欖」 三文魚係即時用煙燻嘅！
燻完要焗一分鐘左右先可以開蓋... 勺子上面嘅係檸檬味同橄欖味嘅「鹽」
開蓋大吉！無想像中咁多煙飄出來 唔會辣親手
慢煮嘅三文魚徘徊喺生同熟之間 樣子與刺身無異 肉質比刺身軟滑一點 卻有熟魚嘅味道～～～
第六道 「煲仔鮑汁神戶牛面頰西班牙飯 配 分子蒜香忌廉泡」 個飯係用正常方法煮嘅 只有忌廉泡係「化學嘢」XD 打成泡沫 一來方便用勺子取 二來液體本身有surface tension 變成泡狀比較容易均勻地分佈喺飯面... 店員話個「蒜香忌廉泡」可以養顏的！
小妹第一次食牛面頰 食魚都知魚嘅臉珠dum比魚身更幼嫩... 原來牛都係！幾乎唔洗點咬都吞到... 鮑魚汁加埋飯焦更加無得彈啦
講返轉頭 原來「Three Dice Kitchen」嘅價格比其他食分子料理嘅地方偏低 銅鑼灣地價又貴 慳錢租個細少少嘅舖位 客人又食平啲 就一家便宜兩家著啦～ 而且 店員真係好似博物館導賞員咁 每個工序都解釋得好詳細 所以企喺度嘅時光都唔難過～～最後 追加一客「水信玄餅」 唔係從雪櫃拎出來 係即製！有拳頭咁大呀！咬落去好脆好爽 旁邊嘅紅桑子脆脆和玫瑰草莓醬的甜味好天然
順帶一提「水信玄餅」只設外賣
7pm離去時 店員又要預備下一「場」啦～～～
張貼
