103
2
0
港鐵銅鑼灣站 F1 出口, 步行約5分鐘 繼續閱讀
電話號碼
9811 1880
營業時間
*最後點餐時間為22:00
星期一至日
15:00 - 23:00
付款方式
現金
其他資料
自帶酒水
到會服務
食評 (105)
等級4 2017-05-08
1023 瀏覽
Three Dice kitchen 銅鑼灣禮頓道136 號地下一間喺cwb食甜品既地方 主打係水信玄餅 同各式師傅專心製作既分子料理。 食店全部都係企位 企位同師傅製作既位置好近 客人可以一邊等食一邊睇師傅表演製作甜品 而主打既水信玄餅 有三隻味,因為未食過 都係點番黑糖原味 據知佢係日本甜品 放得耐就會溶 但threedice係經過改良 可以放耐幾個鐘都唔溶原味 水信玄餅 35 蚊Original flavourKinako molasses like. Sugar 黃豆粉同黑糖糖漿玄餅成個圓形既波甘 晶瑩剔透 外表有d反光 食落去有好清既清新水味 口感就好似咬緊一個凝固左既水一樣 而佢本身冇味既 配以 黑糖漿 同黃豆粉 甜加上粉質口感 味道 特別又好味 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-24
715 瀏覽
同朋友行開銅鑼灣想食甜品見到OpenRice 有呢間分子甜品覺得幾特別就去試下,果然有驚喜雖然舖頭唔大,但好乾淨店主好貼心,有掛鈎俾客人唔洗驚食野個陣又要顧住啲手袋Three Dice 選擇都幾多,但今次揀水信玄餅有3種味,我就揀左玫瑰果園淨係望到都覺得好靚水信玄餅配分子凍乾紅桑子粒仲有玫瑰草莓糖醬建議3樣野一齊食,味道仲好桑子粒酸酸地,糖醬唔會太甜仲好香玫瑰味有時好怕太重玫瑰味,但Three Dice 味道岩岩好食落感覺真係好清新已經約定朋友下次要再黎試埋個set 有師傅即場表演添!! 期待 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-22
538 瀏覽
今日行過銅鑼灣搵野食,一見到呢間立食份子料理店就比佢吸引左,餐牌上面有我一直想試好耐既水信玄餅,而且成日聽人講份子料理但一直都未有機會試到,諗都唔諗就即刻入去試啦!一入到去見到間餐廳細細間,有六個企位。裝潢都係簡潔為主,加埋餐廳既主打係份子料理,好有入左lab既感覺,都幾得意。佢既餐牌有三款水信玄餅揀,分別係原味,薄荷朱古力同玫瑰果園。我同朋友就揀左原味同薄荷朱古力。落完單就可以睇住店員整野食,水信玄餅係一早整好左既,店員會因應客人所選擇既口味加上伴碟。水信玄餅既賣相真係好靚!水信玄餅本身係無味道,但係凍冰冰,質地爽口,入口清涼,啱晒係呢啲咁熱既天氣食呀。原味既水信玄餅係最傳統既日本食法,配上黑糖糖漿同黃豆粉食,味道好夾。另一個薄荷朱古力味水信玄餅係配上朱古力醬同薄荷魚子醬。朱古力醬既味道啱啱好,唔會太甜,而一粒粒既薄荷魚子醬一入口已經即刻散發住淡淡既薄荷味,令到本身已經凍冰冰既水信玄餅更加冰涼,味道好醒神。下次再行過銅鑼灣一定要黎試埋佢既玫瑰果園水信玄餅先得! 繼續閱讀
(以上食評乃用戶個人意見 , 並不代表OpenRice之觀點。)
行經禮頓道,就比佢張晶瑩剔透嘅水信玄餅吸引住!😯 望一望個餐牌,原來呢間餐廳有得食聞名不如見面嘅分子料理,所以就二話不說,入去睇下分子料理同水信玄餅會有啲咩化學作用! 😂鋪頭有一張大bar 枱,比食客睇住整分子料理嘅過程😯。我同朋友就叫咗原味同埋薄荷朱古力味嘅水信玄餅。 👍🏻👍🏻薄荷朱古力味水信玄餅 $35- 晶瑩剔透嘅水信玄餅真係一啲雜質都無。用叉一吉,即刻Feel到佢嘅QQ。朱古力醬唔會太甜,岩岩好! 值得一贊嘅係果啲薄荷魚子醬。綠色一粒粒貌似魚子,但一咬落去啲薄荷味就慢慢滲出黎,十分奇妙! 一啖水信玄餅 再配埋香濃嘅朱古力醬同埋薄荷魚子,味道好夾,好特別!👍🏻原味水信玄餅 $35- 原味嘅水信玄餅都好有驚喜! 啲黑糖醬好香,再加埋黃豆粉,簡直將個味道更加昇華!😯見到餐牌有魔師即席表演嘅menu, 下次一定要叫多啲朋友黎試試!🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-18
302 瀏覽
位於銅鑼灣 Three Dice Kitchen 是香港首間立食份子料理店,去年已嚐過其巧手廚藝,神奇如變魔術的分子料理,今天經過見到有新甜品上場,價錢合理,所以即管試試。「水玄餅」$35水玄餅分為原味、薄荷和玖瑰花味。我選擇了玖瑰花味配黃豆粉、黑糖。以份子料理製成透明半圓形透明水晶球,原味是冇色冇味的,味道全靠日系原素黑糖和黃豆粉。而我選擇的玖瑰花味,散發着淡淡的玫瑰花憂香。口感比不上大菜糕的爽口,但勝在入口冰涼、低卡,又可以呃Like ,不失為健康的夏天甜品。 繼續閱讀
(以上食評乃用戶個人意見 , 並不代表OpenRice之觀點。)