鮨竜 (已結業)

透過住紅磡既朋友，知道新開咗一間比較親民嘅日式餐廳，仲要係親民價既廚師發辦，今日一個人的晚餐，就立即安排上！睇menu見到呢個價錢同份量，真心覺得親民😍十件壽司中，每一件壽司都好似精品咁，而當中自選嘅兩件壽司，我選擇左珍寶牡丹蝦及活赤貝，一上枱見到咁精緻既美食，立即充滿食慾！珍寶牡丹蝦~牡丹蝦肉與普通蝦嘅口感已經有分別，加上珍寶嘅尺寸，同上面炒蟹膏既配搭，簡直係YYDS！必點item無誤!活赤貝～非常爽口鮮甜，加上獨有醬汁，更加能突顯出佢嘅優點！三文魚子軍艦～三文魚子上面灑上碎柚子皮，何作提鮮之用，將整件事提升了，更令人驚喜！魚子非常大粒，口感非同凡響。碎蔥吞拿魚手卷～由於即造既關係，紫菜依然脆口，吞拿魚蓉夾雜著蔥獨有香氣，令到我嘅口腔有滿滿既幸福感。麵豉湯～從湯碗已經睇得出係富士山嘅形狀，有別於一般器皿，整個氛圍令我有如置身日本，麵豉湯亦都香濃夠味，凍嘅日子，喝上一口熱湯，立即加分！豆腐雪糕～豆腐本身俾人嘅感覺係淡淡嘅口味，但呢度可以演繹出豆腐味道非常濃郁、香滑，可以令人回味。