影片
更多
2023-03-08
31 瀏覽
之前經過K11 Musea，發現新開一間台灣餐廳【饞·台式食堂】，難得係K11 Musea入面有D比較價錢親民既餐廳，當然去試下。餐廳係由90 後台灣女生主理，店內裝潢以木系為主、主打親民同簡約，而部分食材由店主親自挑選，出產地來自台灣，好似食到台灣家鄉味一樣。
經典台式半筋半肉牛肉麵：店員推薦呢個經典牛肉麵，所以就叫左，好少鋪頭可以自己選擇湯底，不過牛肉麵當然要食紅燒。有成6塊大大塊既牛腩同 Q 彈帶脆既牛筋，而湯底係有醬油，然後帶有中藥既甘醇，非常惹味。而麵可選台灣陽春麵或台灣刀削麵，想挂湯就選擇左陽春麵。分量超級大，一碗已經好飽！
藥膳排骨飯：藥燉排骨以人參、當歸等 7 種中藥材料熬製而成，湯底藥材味非常重、甘甜順口，排骨帶有軟骨而且燉得軟嫩岩岩好，又唔會太鹹，非常暖胃。
最佳拍檔：包括鹽酥鷄同台灣香腸，兩樣都係我食台灣菜時必叫小食。鹽酥鷄係用無骨雞腿、蒜香、九層塔同胡椒味香濃。餐廳用左豉油、五香粉同中藥香料磨成粉作雞肉醃料所以好特別。台灣香腸用既係台灣台畜公司產製既溫體黑毛豬香腸，經過 CAS 認證，品質有保證。香腸非常juicy。
三寶奶茶：三寶包括紅豆、珍珠同仙草，不過我唔
經典台式半筋半肉牛肉麵：店員推薦呢個經典牛肉麵，所以就叫左，好少鋪頭可以自己選擇湯底，不過牛肉麵當然要食紅燒。有成6塊大大塊既牛腩同 Q 彈帶脆既牛筋，而湯底係有醬油，然後帶有中藥既甘醇，非常惹味。而麵可選台灣陽春麵或台灣刀削麵，想挂湯就選擇左陽春麵。分量超級大，一碗已經好飽！
藥膳排骨飯：藥燉排骨以人參、當歸等 7 種中藥材料熬製而成，湯底藥材味非常重、甘甜順口，排骨帶有軟骨而且燉得軟嫩岩岩好，又唔會太鹹，非常暖胃。
最佳拍檔：包括鹽酥鷄同台灣香腸，兩樣都係我食台灣菜時必叫小食。鹽酥鷄係用無骨雞腿、蒜香、九層塔同胡椒味香濃。餐廳用左豉油、五香粉同中藥香料磨成粉作雞肉醃料所以好特別。台灣香腸用既係台灣台畜公司產製既溫體黑毛豬香腸，經過 CAS 認證，品質有保證。香腸非常juicy。
三寶奶茶：三寶包括紅豆、珍珠同仙草，不過我唔食紅豆所以就走紅豆，奶茶類全部用鮮奶冲調。好香濃，唔會太甜。K11 Musea店設有台式茶飲外賣位置，如果經過只係想買飲品都好方便。
張貼
