糖水雄

營業中

休息中

舊區既親民小食店已經買少見少，有時舊區翻身後，所謂既小食店因舖租昂貴關係，相應地食品價錢相對性提高，令一眾小市民無所適從！今次黎到柯士甸站附近既小區考察，亦發現到不少價錢實惠既小食店！剛好黎到個陣已經過左6點，但下午餐餐牌既價錢同食咩都非常吸引！只需要28蚊，就可以正餐連糖水都食到！C,D真係好岩女仔想食少少野，實質食糖水的概念！呢個狗仔粉都好多人食！老闆兼服務員兼廚師四圍走黎走去，真係好犀利，香港人精神！要打理一個舖頭真係唔容易架！但係又見佢樂在其中，好有親切感的叔叔！食狗仔粉，我認為最重要係呢個榨菜！有辣有不辣，任君挑選！落左超多冬菇，雞絲，亦加上蝦米，材料比起其他，更有誠意！每一口都有材料架！個湯汁也給得充滿！狗仔粉係要濕濕地咁食，先易入口，尤其夏天！而且個湯汁有米香，亦有蝦米，冬菇材料烹煮後的鮮甜，灑上榨菜有咬口之餘，又令口感非常豐富！送狗仔粉的串燒，八爪魚同墨魚，起碼有成6小粒，烤後加左少許燒汁，再曬上七味粉！份量都唔會偷減！楊枝甘露的芒果都有成3大塊多，灑上的柚子肉都多到每一口都食到！呢間站十零二十蚊就可以食到甜品或正餐食物，平民既價錢真的會吸引我下次黎試埋佢其他甜品系列！