糖水雄

營業中

休息中

白果腐竹沙冰$35覺得呢呢個冰沙好足料出面可能有啲冰沙係食到後面會冇乜味但係你呢個係由頭到尾都好香腐竹味一開始啲冰係超凍啦凍到啲牙都會好凍其實我諗係8分鐘內已經食晒 但係飲到後半包嘅時候呢佢就變咗凍嘅腐竹糖水唔知係溶得好快定係佢本身係一半冰一半糖水味道方面呢個甜度對我嚟講係啱啱好嘅我本身唔係一個好好甜既人 有時有啲冰沙呢雖然佢飲落唔甜但係因為係太凍所以先唔覺得甜飲完個口會覺得好甜好唔舒服但係你呢個完全冇呢個感覺飲完個口唔覺得好甜唔舒服嘅感覺 大讚如果個底加少少腐竹碎有得咬下可能會好啲因為飲到最後佢已經溶溶地所以有啲嘢咬下會開心如果可以先入一啲腐竹再入啲冰沙落去咁飲到最後用到剩返糖水嘅時候又食到腐竹就好正

### **🍠芋圓紫米露｜QQ彈牙の紫色浪漫** 一上枱就俾個夢幻紫色吸引住！紫米煮到軟糯起沙，甜度啱啱好～💜 重點係嗰啲手工芋圓，有齊紫薯、芋頭同地瓜三種口味，咬落去煙韌到可以玩「彈牙大賽」！😝 最正係加咗椰奶同少少桂花糖漿，香滑得嚟帶淡淡花香，凍食版本仲加咗碎冰，夏天食真係透心涼～❄️ ### **🥥喳咋｜南洋風情の雜錦派對** 呢碗絕對係「咩都有」嘅甜品界代表！紅豆、綠豆、眉豆、西米、芋頭...仲有我最愛嘅椰汁做底～🤩 豆類煮到起沙但唔會爛，西米粒粒分明，芋頭粉糯帶香！最驚喜係加咗少少椰絲同淡奶，味道濃郁得嚟唔會太甜，每一啖都係唔同口感～熱食凍食都咁正，冬天食完成個人都暖笠笠！☀️ #港式糖水 #懷舊甜品 #芋圓控 #少女食評 #香港情懷

老闆於網絡活躍，好早已經聽過佢個名，尋晚去食，仲有日本人識搵黎哩到食環境小小舊，枱面都乾淨嘅，播住90年代嘅流行曲，食嘅聽嘅都係香港人情懷店員推介楊枝金露，西米煮透，大粒有咬口，芒果唔係當造，小小酸可接受，個汁底甜可以中和返紫糯米糖水，就係普通想像到嘅味道，熱食冬天一流，都足料朱古力燒賣，味覺衝擊食第一粒有啲唔慣，食第二粒就開始慣了，加埋忌廉原來都唔係咁怪聽朋友講每逢睇完演唱會就會黎食，真係要好好珍惜而家咁夜仲會開嘅小店

只係想夜晚食個糖水，好好一日收尾。唔需要對方笑容滿面，唔需要有任何特別服務。大家都冇對店員西口西面，但係點解俾錢嗰，一日最後嘅時間，仲要受店員西口西面？ 俾錢買難受！？冇咩特別唔會再去。

之前成日想試跨區外賣，今次終於夾到時間叫到。叫咗三樣嘢，豬骨粥、狗仔粉同埋喳咋，每碗$25仲免運費。因為我唔係即時返到去就食，我自己再加熱過。好有水準豬骨粥，雖然啲米覺得比較碎，但係個豬骨好好味，驚喜嘅係竟然仲有陳腎。如果可以在大碗返少少就好嘞。狗仔粉成日有人誤會係銀針粉，其實佢係好似一啲粗烏冬但係短身嘅粉，味道好濃厚又冬菇蝦米，另外差加咗包辣菜脯，呢個辣菜脯加上佢真係畫龍點睛，食得辣嘅朋友唔好錯過。喳咋想像中嘅味道，非常足料冇投訴，我唔食得甜，佢嘅甜度淡淡地啱晒我。可能今次嗌三樣嘢都係搵定之選，下次再試吓其他先見好多人話雞翼尖同腸粉燒賣都好正！外賣車準時送到，取外賣過程非常流暢。老闆仔親自送外賣，同場加映仲有達哥同達嫂。佢哋非常親民即場派發新碟嘅poster仲有親筆簽名同合照。

平時食開佢既糖水同野飲，聽講佢既小食都出色，所以今次就黎試下。蜆肉碗仔翅：差唔多啖啖都有蜆肉，幾抵食！糖水雄狗仔粉： 食到有我最愛既蒜蓉，再淋上杞子，同平時出面買開既狗仔粉有唔同，幾特別！

Double 特濃粒粒朱古力沙冰（$42）幾大杯，朱古力味唔算太濃，偏甜，味道還可以，如果再濃厚啲會更好。XO醬炒腸粉（$28）即炒，惹味，配料有火腿、椰菜、雞蛋，少辣，味道不錯。

等左一陣就有位。上次試過糖水覺得太甜，今次比多次機會，試下小食，就揀左碗仔翅、朱古力燒賣同埋XO醬炒腸粉。碗仔翅而家愈來愈少地方食到，好難得呢度有，仲要十分足料，冬菇好大塊，仲有蜆肉，加埋好多醋同埋自制辣菜脯，味道唔錯。朱古力燒賣就一般，朱古力醬+砂糖+炸燒賣人+cream，味道太甜，怕甜嘅人就要考慮下XO醬腸粉即炒出黎，熱辣辣，配XO醬夠香。

疫情嘅時候 叫過團購外賣糖水其實當時已經好想試佢好出名嗰個朱古力燒賣🤭但係冇人願意同我去試伏😆估唔到過咗幾年後嘅今日 終於有勇士同我一齊去試🤣🤣🤣🥢牛乳西米露同喳咋經典糖水點都要唔人叫返碗啦😋本身以為佢係新興玩開fusion野點知啲classic款都足料唔馬款🫶🏻🥢 XO醬炒腸粉呢個我求吓大家一定要叫 真係真係超好食！個XO醬好惹味 炒腸粉又滑加埋其他配菜 真係停唔到口 係咁食係咁食🤣🤣🥢蒜蓉麻辣雞中翼呢個同想像中嘅有啲唔同比想像中難，同埋我以為佢係動身，但係佢係常溫咁但係都OK嘅難食其實我哋仲叫咗個朱古力燒賣但係後來睇返啲相 原來我影到全部out晒fo🫣其實佢個朱古力燒賣啲燒賣係炸過嘅，都幾好食不過就好邪惡囉🤣 因為佢有好多cream 砂糖同朱古力醬就咁俾我食炸燒賣可能會開心啲不過一場嚟到都要打吓卡 食吓呢啲名物嘅🤣🤣

Follow 社交平台 好耐，次次都夾唔啱時間叫外賣，嬲嬲地今次直接出去食😂食完晚飯就行左去搵糖水雄，實在太飽，唯有外賣，第一次食，餐牌好特別，好多選擇，而且亦好有特色，今次揀左芋丸馬蹄沙，紫薯紅豆沙來試下，前者爽甜清新，芋丸好實在，最怕食到好腍身，而後者食得出是靚紅豆，邊個國家就唔知喇😂一粒粒咁，另外有起沙，不錯不錯，今次就保守啲，下次要試下啲特色啲嘅糖水同小食。

📍糖水雄 (佐敦)佐敦渡船角文匯街30號文景樓地舖人氣糖水舖，主打創新，配搭新穎的甜品，平日夜晚都有好多人等位，大約等左15mins就入得，店主態度友善，推薦我地食一樓一鳳腸粉，最後叫咗以下呢啲食物☁️朱古力燒賣$28招牌邪惡燒賣，表面好多cream，砂糖同朱古力，配上即炸燒賣，完全吾伏，味道好夾，身為燒賣控一定要食☁️一樓一鳳腸粉有xo醬，菠蘿，火腿，雞蛋絲，椰菜，食落好得意，意外地夾，菠蘿好鮮多汁，酸酸甜甜，好開胃☁️清涼馬蹄沙$27馬蹄粒切成細細粒，不太甜☁️紫米沙冰$32紫米椰奶糖水，加上沙冰，系炎炎夏日好岩飲，不會太甜#佐敦#佐敦美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#輕食#甜品#燒賣#燒賣控#drinks #糖水#dessert#中式甜品#朱古力#eating_and_working_in_h_佐敦

一直都唔知原來佐敦有間卧虎藏龍糖水舖，都係朋友帶我黎我先知🤪以為係普通一間糖水舖，點知竟然係一間小食店？！燒賣腸粉碗仔翅咩都有，糖水都唔係一般嘅傳統糖水，而係加左少少創意 。當日我就叫左薄荷朱古力西米露同朱古力燒賣，薄荷朱古力西米露係想像得到的味道，似溶左既薄荷朱古力雪糕加西米露🤣🤣🤣唔算好伏嘅，但朱古力燒賣有少許驚喜！🤣大家不妨一試

去到八文樓有乜可能唔黎糖水雄，佢同越式法包都係我一定會去幫襯既地方，其次就係籠仔點心😂😂，點心留返下次再講，自覺去到呢到唔幫襯呢3間既其中1間既話我覺得你不如唔好去八文樓😚，btw去到糖水雄平時就會叫腐竹白果沙冰，但當日去果陣......賣晒🥲無既我大佬之後就叫左個焦糖爆谷楊枝金露，價錢都唔平$50，但真心足料同好飲，有幾舊大芒果同埋個爆谷好那好食😂😂😂，未飲落去就覺得夠飲左就覺得值❤️不過下次我都係要飲左腐竹白果沙冰先🤪🤪

呢一間我book mark咗幾年😂一直冇機會經過～今次終於終於食到！入到去會見到勁多匪夷所思嘅配搭🫣你諗得出嘅，諗唔到嘅～而且佢除咗甜品之外，佢嘅小食都係超級吸引🤣明明諗住食甜品，行到入去叫多咗2樣小食🥳✨ 牛乳西米露 $32👍🏻👍🏻👍🏻本來就以為剩係得牛奶加西米露～結果佢加埋啲芋頭好有咬口！而且佢個牛乳係比較濃嘅！呢個真係好食😂睇佢個名同個樣以為佢普普通通，點知一食落去有驚喜嗰下更驚喜🤣✨ 蒜蓉麻辣雞中翼 $26👍🏻👍🏻👍🏻呢個有啲出乎意料～佢係有少少好似醉雞咁樣，但係蒜蓉香口嘅🤣都算幾辣，但辣得來好好食！✨ XO醬煎蘿蔔糕 $28 呢個比較普通，出面食到嘅味道～都明白煎蘿蔔糕好容易煎燶，但係我以為咁多人推薦會有啲特別😂

喺呢間飯堂試咗一輪小吃，實話实说，感覺正！👍 首先，朱古力燒賣嗰個意想不到，幾款配搭搞到成件事乎合得嚟，朱古力粉撒頂，加哂cream，嗜甜嘅我一啖咬落，覺得入口即溶，冧過晒！🍫 至於熱浪燒賣，微辣嘅感覺自個口腔四處漫遊，蜜糖嘅甜幫到辣味平衡，食咗幾啖，勁欣賞佢哋個創新精神！🔥 狗仔粉嘅湯底夠哂味，啲粉滑溜溜，一吸即入，食飽肚腩都暖笠笠。XO醬炒腸粉，每條腸粉都包裹住醬汁，熱辣辣入口，仲有花椒嗰陣陣麻香，食得我心滿意足！😋最後分享個甜品嘅心得，白果腐竹沙冰都絕啦！腐竹味濃郁，白果嘅清甜帶嚟另一種層次感。整體嚟講，呢度既好味又驚喜，絕對係潮食打卡勝地！下次一定要再嚟，絕不能錯過佢哋啲新意思！🍽️👌