初見 (已結業)

初見香草吉列牛(配白飯） $138可以有石燒即燒即食係唔同啲👍🏼 溫度做就好嘅味道～ 牛肉入口暖笠笠，而且兩邊都燒到啡色就可以入口，因為本身牛肉都薄，所以內外都冇太大嘅溫差。肉質都算冧身；我覺得點鹽食係最夾。🧂蟹籽三文魚刺身丼 $88三文魚大概有八塊，紋理分佈好靚仔，令人睇到就想食。好多人都會拎就塊葉，但其實係生嘅紫蘇葉（シソ)佢有獨特嘅香氣，而且可以驅寒，配搭埋一齊食，其實好養生。蟹籽有足夠份量，可以撈哂成碗飯，頭先食飯三文魚之後，都仲可以食埋啲飯。✌🏻配料，另外有玉子兩塊，壽司薑；我覺得玉子嘅味道唔錯