熊小館

營業中

休息中

自從有咗仔仔,而家搵餐廳除咗睇味道價錢外,餐廳環境係首要決定條件。一早預咗星期日黎Mega Box玩已經做定功課,約定11樓的親子餐廳-熊小館。好彩預先予約,熊小館位於其他餐廳內,平時經過應該好難注意。一入到去店員即刻安排入坐放有BB座的座位,旁邊還有大熊熊陪住我地進餐一早睇定覺得$298二人套餐最抵食,由餐場至甜品飲品全包。餐湯-羅宗湯+蒜蓉多士本來想比仔仔飲,店員一見到即刻提醒。原來呢個係偏辛口的羅宗湯。一試之下真係估佢唔到好辣但呢個味道我鍾意前菜揀咗肉醬芝士焗茄子, 茄子厚肉多汁,正!另外加咗個薯蓉焗田螺比仔仔食,田螺部份加咗黑椒汁主菜-人人都推薦的峰蜜BBQ豬仔骨果然名不虛傳,豬仔骨入味,一切即離骨。肉質鮮嫩連歲半的仔仔都可以食到。份量絕對唔止二人份,老公仲話比得上出面的專業美式餐廳最後勁想一讚ge係連跟餐薯條都超紹有水準。即使放耐咗,完全沒有變硬.還是外脆內軟菠菜芝士焗龍俐柳飯- 只係睇材料都知道是絕配,無得輸。最後連跟餐雪糕+飲品作一個完美的句號。最後值得一讚的是餐廳每個店員都非常有禮貌,經常提點及介紹食物內容。下次再黎Mega box玩一定會再搵熊小館醫肚。