影片
更多
2019-04-23
138 瀏覽
最後一日假期，同家姐一家去咗香港公園玩，晚飯時間突然間想食片皮鴨，家姐醒起有間叫古琴雅苑嘅最近好似好Hit又抵食，於事近近地就去灣仔分店試吓💕一個鐘前打黎訂好咗枱！一去到即刻有得食表示好開心🥳先來小菜幾碟！口水雞$79賣相都好靚仔💕上面鋪滿芝麻同埋花生碎，麻辣醬仲有好多蒜蓉同姜蓉，非常惹味😍雞肉質感嫩滑又唔會太肥，好味👍🏻揚州水晶肉$79其實就係淆肉，清清地唔會好咸！唔錯！主角終於出場😻烤北京填鴨一隻$358呢度嘅北京填鴨只有一食，所以價錢比起坊間有呢款菜式既餐廳來講算平左，烤鴨賣相飽滿，店員即場片得有板有眼，好功整！首先就將鴨頸上面最珍貴嗰幾塊皮片咗出嚟比大家點砂糖食，好鬆脆好似薯片😆先講鴨肉：每一片都厚薄均勻，口感不會太油膩因為皮比較少，肉比較多，而個人略嫌太細塊，每次要包兩塊肉先夠喉😆再嚟講下配料：有蜜桃醬、京蔥、青瓜絲、哈密瓜絲同埋砂糖，都幾豐富再講埋個鴨卷餅大家一致都認為厚薄均勻、適中，口感煙韌，加分👍🏻金銀炒鱔糊$128肉質彈牙可惜太過杰身🤪扣分！意大利黑醋骨$98老公最愛💕酸酸甜甜好開胃干扁四季豆$78肉碎非常惹味，送飯一流，四季豆亦都好鮮嫩，推薦👍🏻冬瓜薏米水$29清熱
最後一日假期，同家姐一家去咗香港公園玩，晚飯時間突然間想食片皮鴨，家姐醒起有間叫古琴雅苑嘅最近好似好Hit又抵食，於事近近地就去灣仔分店試吓💕一個鐘前打黎訂好咗枱！一去到即刻有得食表示好開心🥳先來小菜幾碟！
口水雞$79
賣相都好靚仔💕上面鋪滿芝麻同埋花生碎，麻辣醬仲有好多蒜蓉同姜蓉，非常惹味😍雞肉質感嫩滑又唔會太肥，好味👍🏻
揚州水晶肉$79
其實就係淆肉，清清地唔會好咸！唔錯！
主角終於出場😻
烤北京填鴨一隻$358
呢度嘅北京填鴨只有一食，所以價錢比起坊間有呢款菜式既餐廳來講算平左，烤鴨賣相飽滿，店員即場片得有板有眼，好功整！
首先就將鴨頸上面最珍貴嗰幾塊皮片咗出嚟比大家點砂糖食，好鬆脆好似薯片😆
先講鴨肉：每一片都厚薄均勻，口感不會太油膩因為皮比較少，肉比較多，而個人略嫌太細塊，每次要包兩塊肉先夠喉😆
再嚟講下配料：
有蜜桃醬、京蔥、青瓜絲、哈密瓜絲同埋砂糖，都幾豐富
再講埋個鴨卷餅
大家一致都認為厚薄均勻、適中，口感煙韌，加分👍🏻
金銀炒鱔糊$128
肉質彈牙可惜太過杰身🤪扣分！
意大利黑醋骨$98
老公最愛💕酸酸甜甜好開胃
干扁四季豆$78
肉碎非常惹味，送飯一流，四季豆亦都好鮮嫩，推薦👍🏻
冬瓜薏米水$29
清熱解暑排毒瘦身！你懂的😏
四個大人、四個小朋友一共食咗$1300，環境坐得舒服，食物質素又OK！可以再嚟👍🏻
張貼
